ଆଜିଠୁ ଲାଗୁ ହେଲା ଓମଫେଡ୍ କ୍ଷୀରର ନୂଆ ଦର, ଲିଟର ପିଛା ବଢ଼ିଲା ୨ ଟଙ୍କା
ଭୁବନେଶ୍ୱର: ଆଜିଠୁ ଓମଫେଡ କ୍ଷୀରର ନୂଆ ଦର ଲାଗୁ । ଲିଟର ପିଛା ୨ ଟଙ୍କା ବଢ଼ିଛି ଓମଫେଡ କ୍ଷୀର । ଓମଫେଡ୍ ଗୋଲ୍ଡ ମୂଲ୍ୟ ୫୦୦ ମିଲି ଲିଟର ପ୍ରତି ୨୪ ଟଙ୍କା, ଓମଫେଡ୍ ପ୍ରିମିୟମ ୫୦୦ ମିଲି ଲିଟର ପ୍ରତି ୨୪ ଟଙ୍କା, ଓମଫେଡ ଟୋନଡ ୫୦୦ ମିଲି ପ୍ରତି ୨୧ ଟଙ୍କା ହୋଇଛି । ଚାଷୀଙ୍କ ଲାଭ ଦୃଷ୍ଟିରୁ ଏଭଳି ନିଷ୍ପତ୍ତି ନିଆଯାଇଛି । ଦୁଇ ଟଙ୍କାରୁ ଚାଷୀଙ୍କ ଖାତାକୁ ୧ ଟଙ୍କା ୩୫ ପଇସା ଯିବାକୁ ଥିବା ବେଳେ ୧୦ ପଇସା ସୋସାଇଟିକୁ ଯିବ ଏହା ସହ ଅନ୍ୟ ୫୫ ପଇସା ଟ୍ରାନ୍ସପୋର୍ଟ, ପ୍ୟାକେଜିଂ ଓ ଅନ୍ୟାନ ଖର୍ଚ୍ଚରେ ଲାଗିବ ।
ଏହା ସହ ଆଜିଠାରୁ ଭୁବନେଶ୍ୱର, କଟକ ଓ ପୁରୀରେ ଓମଫେଡ୍ ପକ୍ଷରୁ ନୂଆ ପ୍ରକାର କ୍ଷୀର ମିଳିବ । ଓମଫେଡର ଚା’ ସ୍ପେଶାଲ ନାମରେ ଏହି କ୍ଷୀର ବଜାରରେ ଆଜିଠୁ ଉପଲବ୍ଧ ହେବ । ଏହାର ଦର ୫୦୦ ମିଲି ଲିଟରକୁ ୨୩ ଟଙ୍କା ରହିବ । ୧୫ ଟଙ୍କାରେ ୨୦୦ ମିଲି ଲିଟରର ପ୍ୟାକେଟ ଦହି ମଧ୍ୟ ଆଜିଠୁ ଓମଫେଡ୍ ବଜାରକୁ ଛାଡ଼ିବ ।
