ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଓଡ଼ିଶା ଖଣି ନିଗମ ଦେଲା ୧୦୦ କୋଟି

ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କ ରିଲିଫ୍ ଫଣ୍ଡକୁ ୧୦୦ କୋଟି ଟଙ୍କା ପ୍ରଦାନ କରିଛି ଓଡ଼ିଶା ମାଇନିଂ କର୍ପୋରେସନ । ମହାପ୍ରୟାଣ ଯୋଜନା ଓ ହରିଶଚନ୍ଦ୍ର ଯୋଜନାରେ ଏହି ଟଙ୍କା ଖର୍ଚ୍ଚ କରାଯିବ । ରାଜ୍ୟ ସରକାରଙ୍କ ପକ୍ଷରୁ ହରିଶଚନ୍ଦ୍ର ଯୋଜନାରେ ଶେଷକୃତ୍ୟ ସମ୍ପନ୍ନ ପାଇଁ ଗରିବ ଶ୍ରେଣୀର ଲୋକଙ୍କୁ ସହାୟତା ରାଶି ପ୍ରଦାନ କରାଯାଉଛି । ସେହିଭଳି ମହାପ୍ରୟାଣ ଯୋଜନାରେ ଅନେକ ମୃତଦେହ ପରିବାର ନିକଟକୁ ପଠାଯାଇ ପାରୁଛି ।

ଓଏମସି ପକ୍ଷରୁ ପ୍ରଦାନ କରାଯାଇଥିବା ଏହି ଟଙ୍କା ଏବେ ଗରିବ ଲୋକଙ୍କ ପାଇଁ ରାଜ୍ୟସରକାର ନେଇଥିବା ଉତ୍ତମ ପଦକ୍ଷେପରେ ସହାୟତା ଯୋଗାଇବ । ଖଣିମନ୍ତ୍ରୀ ପ୍ରଫୁଲ ମଲ୍ଲିକଙ୍କ ଉପସ୍ଥିତିରେ ଓଏମସି ଅଧ୍ୟକ୍ଷ ଦେଓରଞ୍ଜନ କୁମାର ଏହି ରାଶି ମୁଖ୍ୟମନ୍ତ୍ରୀଙ୍କୁ ନବୀନ ନିବାସରେ ପ୍ରଦାନ କରିଛନ୍ତି । ଏହି କାର୍ଯ୍ୟକ୍ରମରେ 5ଟି ସଚିବ ଭିକେ ପାଣ୍ଡିଆନ୍ ମଧ୍ୟ ଉପସ୍ଥିତ ରହିଥିଲେ ।