ହତ୍ୟା ଅଭିଯୁକ୍ତ ଅଲିମ୍ପିକ୍ସ ପଦକ ବିଜେତା ସୁଶୀଲ କୁମାର ମାଡ଼ ମାରୁଥିବା ଫଟୋ ଭାଇରାଲ୍
ନୂଆଦିଲ୍ଲୀ: କୁସ୍ତିଯୋଦ୍ଧା ସୁଶୀଲ କୁମାର ମାଡ ମାରୁଥିବା ଫଟୋ ଭାଇରାଲ୍ । ସାଗର ରଣା ନାମକ ଜଣେ କୁସ୍ତିଯୋଦ୍ଧାଙ୍କୁ ମାଡ ମାରୁଥିବାର ଫଟୋ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ସୁଶୀଲ ଗୋଟିଏ ବାଡି ଧରି ସାଗରଙ୍କୁ ମାରୁଥିବା ବେଳେ ସାଗର ତଳେ ପଡିଥିବା ଦେଖିବାକୁ ମିଲିଛି । ଏହି ବିବାଦ ପାଇଁ କିଛି ଦିନ ତଳେ ସୁଶୀଲ କୁମାରଙ୍କୁ ଗିରଫ କରାଯାଇଥିଲା । ସୁଶୀଲଙ୍କ ମାଡ଼ରେ ସମ୍ପୃକ୍ତ କୁସ୍ତି ଖେଳାଳିଙ୍କ ଜୀବନ ବି ଯାଇଥିଲା । ଘଟଣାରେ ସୁଶୀଲ୍ଙ୍କ ସହଯୋଗୀ ଅଜୟ କୁମାରଙ୍କୁ ମଧ୍ୟ ପୁଲିସ ଗିରଫ କରିଥିଲା ।
ମେ ୪ ତାରିଖ ରାତିରେ ଦିଲ୍ଲୀର ଉତ୍ତରାଞ୍ଚଳରେ ଅବସ୍ଥିତ ଛତ୍ରଶାଳ ଷ୍ଟାଡିୟମ୍ ଭିତରେ ସୁଶୀଲ୍ କୁମାରଙ୍କ ସମେତ ଅନ୍ୟ ଖେଳାଳୀ ମାନେ ଆକ୍ରମଣ କରିବାରୁ ୨୩ ବର୍ଷୀୟ ସାଗର ରାଣାଙ୍କର ମୃତ୍ୟୁ ହୋଇଥିଲା । ତାଙ୍କର ଦୁଇଜଣ ବନ୍ଧୁ ଆହତ ହୋଇଥିଲେ । ପୁଲିସ କହିବା ଅନୁସାରେ, ପାର୍କିଙ୍ଗ୍ ଏରିଆରେ ସୁଶୀଲ୍ କୁମାର, ଅଜୟ କୁମାର, ପ୍ରିନ୍ସ୍, ସୋନୁ, ସାଗର ରାଣା, ଅମିତ ଏବଂ ଅନ୍ୟମାନଙ୍କ ମଧ୍ୟରେ ସଂଘର୍ଷ ହୋଇଥିଲା । ଏହାପରେ ପୁଲିସ ମଡେଲ୍ ଟାଉନ୍ ଥାନାରେ ସେମାନଙ୍କ ବିରୋଧରେ ମାମଲା ରୁଜୁ କରିଥିଲା ।
