ସାନ ବୋହୂ ଓ ନାତିର ନିସ୍ତୁକ ମାଡ଼ରେ ୭୭ ବର୍ଷୀୟା ଶାଶୁ ଗୁରୁତର

କେନ୍ଦ୍ରାପଡା: ଘରୋଇ କଳହର ତୀବ୍ର ରୂପ । ସାନ ବୋହୁ ଓ ନାତିର ନିସ୍ତୁକ ମାଡ଼ରେ ୭୭ ବର୍ଷ ବୟସ୍କା ଶାଶୁ ଗୁରୁତର ।  ଗୁରୁତର ବୃଦ୍ଧାଙ୍କୁ ପାଟକୁରା ମେଡିକାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । କୁଦାନଗରୀ ଥାନା ତଳକୁସୁମା ଅନ୍ତର୍ଗତ ପୂଣ୍ଡିଲ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ବୃଦ୍ଧା ଲୋଚନା ଛାଟୋଇଙ୍କୁ ତାଙ୍କ ସାନବୋହୁ କାମିନୀ ଛାଟୋଇ ଓ ସାନ ନାତି ଚିରଞ୍ଜୀବ ଛାଟୋଇ ମିଶି ମାଡ଼ ମାରି ହାତ  ଓ ପିଠି ଜଖମ କରିଦେଇଛନ୍ତି । ବୃଦ୍ଧାଙ୍କ ହାତରେ ଗଭୀର ଆଘାତ ଲାଗିଛି । ବୃଦ୍ଧାଙ୍କ ବଡ଼ ନାତି ଆଦିତ୍ୟ ଅଟକାଇବାକୁ ଚେଷ୍ଟା କରିବା ବେଳେ ତାଙ୍କୁ ମଧ୍ୟ ଆକ୍ରମଣ କରିଥିଲେ କାମିନୀ ଓ ତାଙ୍କ ପୁଅ ଚିରଞ୍ଜୀବ । ଆହତ ବୃଦ୍ଧା ଲୋଚନା ଛାଟୋଇଙ୍କୁ ଗୁରୁତର ଅବସ୍ଥାରେ ପାଟକୁରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ବଡ଼ ନାତି ଆଦିତ୍ୟ ଛାଟୋଇ ଏ ନେଇ କୁଦାନଗରୀ ଥାନାରେ କାମିନୀ ଓ ଚିରଞ୍ଜୀବଙ୍କ ନାମରେ ଅଭିଯୋଗ କରିଛନ୍ତି । ସାନ ବୋହୂ ଓ ସାନ ନାତି  କିଛି ଦିନ ଘରେ ନଥିଲେ । ତାଲା ତାଙ୍କ ରୁମ ତାଲା ପଡ଼ିଥିବା ବେଳେ କିଛି ଦ୍ରବ୍ୟ ଚୋରି ହୋଇଥିବା ଦର୍ଶାଇ ସେ ଶାଶୂଙ୍କୁ ନିସ୍ତୁକ ମାଡ଼ ମାରିଥିଲେ । ଘଟଣା ସମୟର ଭିଡିଓ ଭାଇରାଲ ହୋଇଛି ।