ପଲିଥିନ ଘରେ କଟୁଛି ବୃଦ୍ଧାଙ୍କ ଜୀବନ

ସୁନ୍ଦରଗଡ଼: ପଲିଥିନ ଘରେ କଟୁଛି ଜୀବନ । ସ୍ୱାମୀ ଏବଂ ପିଲା ଆରପାରିକୁ ଚାଲିଗଲା ପରେ ଦିର୍ଦ୍ଦିନରେ କଟୁଛି ଦିନ । ଘର ଖଣ୍ଡେ ପାଇଁ ପ୍ରଶାସନ ପାଖରେ ନେହୁରା ହୋଇଛନ୍ତି ସୁନ୍ଦରଗଡ କିରେଇ ପଂଚାୟତ ଭବାନୀପୁର ଗ୍ରାମର ବୃଦ୍ଧା ପାର୍ବତୀ ଇନ୍ଦୁଆର। ପଡୋଶୀଙ୍କ ଠାରୁ ହାତ ପାତି ଯାହା  ମିଳୁଛି ସେସବୁ ଖାଇ ବଞ୍ଚୁଛନ୍ତି । ପାର୍ବତୀଙ୍କୁ ପକ୍କା ଘର ଯୋଗାଇଦେବାକୁ ଦାବି କରିଛନ୍ତି ପଡୋଶୀ  ।ଘର ନଥିବାରୁ ପାଖ ପଡିଶା ସରପଂଚଙ୍କୁ କହି ପଲିଥିନ ଖଣ୍ଡେ ଆଣି ଝାଟିର କୁଡିଆଟେ କରିଦେଇଛନ୍ତି । ପାର୍ବତୀଙ୍କ ବୟସ ପାଖାପାଖି ୮୦ । ସଂପର୍କୀୟ ଅଛନ୍ତି ହେଲେ କେହି ତାଙ୍କୁ ପଚାରୁନାହାନ୍ତି । ଘର ଖଣ୍ଡେ ପାଇଁ ବାରମ୍ବାର ପ୍ରଶାସନ ନିକଟରେ ଅନୁରୋଧ ପରେ ବି କେହି ଶୁଣୁନାହାନ୍ତି ତାଙ୍କ ଦୁଃଖ ।