ଗୁଣିଗାରେଡି ସନ୍ଦେହରେ ବୃଦ୍ଧାଙ୍କୁ ମାଟିତଳେ ପୋତିଦେଲେ

ନବରଙ୍ଗପୁର: ଝରିଗାଁ ବ୍ଲକ ବେଲଗାଁ ପଞ୍ଚାୟତ କାନଝରନ ଗାଁରେ ଅଭାବନୀୟ ଘଟଣା। ମାଟିତଳୁ ବାହାରିଲା ବୃଦ୍ଧାଙ୍କ ମୃତଦେହ। ଗୁଣିଗାରେଡି ସନ୍ଦେହରେ ଜଣେ ୫୦ ବର୍ଷୀୟ ବୃଦ୍ଧାଙ୍କୁ ହତ୍ୟା କରାଯାଇଥିବା ଜଣାପଡିଛି।

ତିନି ଦିନ ହେବ ବୃଦ୍ଧାଙ୍କୁ କିଛି ଲୋକ କୁଆଡେ ନେଇ ଯାଇଥିବା ନେଇ ଥାନାରେ ଅଭିଯୋଗ କରିଥିଲେ ବୃଦ୍ଧା ରଇବାରୀ ସାନ୍ତାଙ୍କ ପରିବାର ଲୋକ। ଏନେଇ ବୃଦ୍ଧାଙ୍କ ଝିଅ କେନ୍ଦୁଗୁଡା ଗ୍ରାମର ସାରଧି ସାନ୍ତା, କଜୁଳୀ ସାନ୍ତା, ମୁଗୁରି ସାନ୍ତା ଓ ଚମ୍ପା ସାନ୍ତାଙ୍କ ନାଁରେ ଝରିଗାଁ ଥାନାରେ ଅଭିଯୋଗ କରିଥିଲେ ।

ପୋଲିସ ଘଟଣାର ତଦନ୍ତ କରୁଥିବା ବେଳେ ଦୁଇ ଜଣ ଝରିଗାଁ ପୋଲିସ ନିକଟରେ ଆତ୍ମସମର୍ପଣ କରିଥିଲେ। ବୃଦ୍ଧାଙ୍କୁ ହତ୍ୟା ପରେ ଗାତରେ ପୋତି ଦେଇଥିଲେ ବୋଲି ପୋଲିସକୁ କହିଥିଲେ। ସୂଚନା ଆଧାରରେ ପୋଲିସ ଓ ସାଇଣ୍ଟିଫିକ୍ ଟିମ୍ ପହଞ୍ଚି ମୃତଦେହ ଜବତ କରିତଦନ୍ତ ଜାରି ରଖିଛି।