ନନ୍ଦିଘୋଷ ବ୍ୟୁରୋ: ଜାତୀୟ ରାଜପଥ ଅବରୋଧ କଲେ ବୃଦ୍ଧା। ତାଳଚେର ୫୩ ନମ୍ବର ଜାତୀୟ ରାଜପଥ ତାଳବେଡ଼ା ଛକ ଠାରେ ଜାତୀୟ ପତାକା ଧରି ରାସ୍ତା ଅବରୋଧ କରିଛନ୍ତି ଜଣେ ବୃଦ୍ଧା । ବୃଦ୍ଧା ଜଣକ ହେଲେ ବାଲୁଗାଁ ଗାଁର କଦଳୀ ପ୍ରଧାନ ।
ସୂଚନା ଅନୁଯାୟୀ, ବୃଦ୍ଧା ଜଣଙ୍କ ନାତି ସୁଜନ ପ୍ରଧାନ ଅପହରଣ ହୋଇଥିବା ଅଭିଯୋଗରେ ନ୍ୟାୟ ଦାବି କରି ରାସ୍ତା ଅବରୋଧ କରିଥିଲେ। ତେବେ ରାଜରାସ୍ତା ଅବରୋଧ ପାଇଁ କିଛି ସମୟ ଧରି ଟ୍ରାଫିକ ସମସ୍ୟା ଉପୁଜିଥିଲା। ଘଣ୍ଟା ଘଣ୍ଟା ଧରି ରାଜରାସ୍ତା ଉପରେ ଗାଡି ଗୁଡିକ ଅଟକି ରହିଥିଲା। ଦୀର୍ଘ ୩ ଘଣ୍ଟା ଧରି ଏଭଳି ହାଇଡ୍ରାମା ପରେ ପୋଲିସ ପହଞ୍ଚି ବୃଦ୍ଧାଙ୍କୁ ବୁଝାସୁଝା କରି ଘରେ ଛାଡିଥିଲା। ଏହାପରେ ଗାଡ଼ି ଚଳାଚଳ ସ୍ବାଭାବିକ ହୋଇଥିଲା।
