ହାତରୁ ଖସି ବନ୍ଧୁକରୁ ଫୁଟିଲା ଗୁଳି, ଚାଲିଗଲା ବୃଦ୍ଧଙ୍କ ଜୀବନ

କୋରାପୁଟ: ଦେଶୀ ବନ୍ଧୁକରୁ ଗୁଳି ଫୁଟି ବୃଦ୍ଧାଙ୍କ ମୃତ୍ୟୁ । କୋରାପୁଟ ଜିଲ୍ଲା ପଟ୍ଟାଙ୍ଗି ଥାନା ଅନ୍ତର୍ଗତ ନୂଆଗାଁରେ ଘଟିଛି ଅଘଟଣ । ମୃତକ ହେଲେ ୬୫ ବର୍ଷୀୟ ଜାନୀ ମଞ୍ଜୁଳା । ଜିଲ୍ଲାରେ ଆଦିବାସୀଙ୍କ ଚଇତି ପରବ ଚାଲିଛି । ଏନେଇ ଘରେ ରଖିଥିବା ସମସ୍ତ ଅସ୍ତ୍ରଶସ୍ତ୍ର ପୁଜାକରିବା ବିଧି ରହିଅଛି ।

ଵୋଇ କମୂଲୁ ଘରେ ଦେଶୀ ବନ୍ଧୁକ ଟିକୁ ବାହାର କରିବା ସମୟରେ ବନ୍ଧୁକଟି ହାତରୁ ଖସି ଗୁଳି ଫୁଟିଯାଇଥିଲା । ଗୁଳିଟି ସ୍ତ୍ରୀ ଜାନୀ ମଞ୍ଜୁଳାଙ୍କୁ ବାଜିବାରୁ ସେ ଆହତ ହୋଇଥିଲା । ତାଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ପଟ୍ଟାଙ୍ଗି ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ଏନେଇ ପଟ୍ଟାଙ୍ଗି ଥାନାରେ ଅଭିଯୋଗ ପରେ ମୃତଦେହ ଜବତ କରି ତଦନ୍ତ କରୁଛି ପୋଲିସ ।