ନିରତାର ହସ୍ପିଟାଲର ହେବ ସୌନ୍ଦର୍ଯ୍ୟକରଣ

1 min read

ନିଆଳି: କଟକ ଓଲଟପୁର ସ୍ଥିତ ନିରତାର ହସ୍ପିଟାଲର ହେବ ସୌନ୍ଦର୍ଯ୍ୟକରଣ । ମୁଖ୍ୟରାସ୍ତାରୁ ନିରତାରକୁ ସଂଯୋଗ କରୁଥିବା ରାସ୍ତା ଦୁଇ ଥାକିଆ କରାଯିବ ।  ପ୍ରକଳ୍ପ କାର୍ଯ୍ୟକାରୀ ପୂର୍ବରୁ ଅଞ୍ଚଳ ବୁଲି ସ୍ଥିତି ପରଖିଲେ 5T  ସଚିବ ଭିକେ ପାଣ୍ଡିଆନ୍ ଏବଂ ଉନ୍ନୟନ କମିଶନର ପ୍ରଦୀପ ଜେନା । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଉଭୟ ହସ୍ପିଟାଲକୁ ଯାଇ ସ୍ଥିତି ସମୀକ୍ଷା କରିଛନ୍ତି ।

ରୋଗୀଙ୍କ ସୁବିଧା ପାଇଁ ନିଆଳି ଅଡଶପୁର ରାସ୍ତାର ବୋଇରାଇ ଛକରୁ ନିରତାର ପର୍ଯ୍ୟନ୍ତ ରାସ୍ତାକୁ ଦୁଇ ଥାକିଆ କରାଯିବ ।  ହସ୍ପିଟାଲ ପାଖ ଜମି ଅଧିଗ୍ରହଣ କରାଯାଇ ତାହାର ବିକାଶ କରାଯିବ । ଏହାସହ ହଷ୍ଟେଲକୁ ଉନ୍ନତମାନର କରାଯିବ ।

ଏହି ଅବସରରେ ଉଭୟ ସ୍ଥାନୀୟ ଲୋକ ଓ ରୋଗୀଙ୍କ ସହ  ଆଲୋଚନା କରିଥିଲେ 5T  ସଚିବ ଏବଂ ଉନ୍ନୟନ କମିଶନର । ଏହାସହ ବିଭିନ୍ନ ଓ୍ବାର୍ଡ ବୁଲି ରୋଗୀଙ୍କ ସୁବିଧା ଅସୁବିଧା ପଚାରି ବୁଝିଥିଲେ । ସେମାନଙ୍କ ସହିତ  ପୂର୍ତ୍ତ ବିଭାଗ ସଚିବ  ବୀର ବିକ୍ରମ ଯାଦବ, କଟକ  ଜିଲ୍ଲାପାଳ ଭବାନୀ ଚଇନୀ ଓ ପୂର୍ତ୍ତ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ  ଥିଲେ ।

About Post Author

[DISPLAY_ULTIMATE_SOCIAL_ICONS]