ରାଉରକେଲା ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜଙ୍କ ମୃତ୍ୟୁ ମାମଲା, ଓଲା ଡ୍ରାଇଭରଙ୍କ ସାଂଘାତିକ ଖୁଲାସା

ରାଉରକେଲା: ରାଉରକେଲା ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜଙ୍କ ମୃତ୍ୟୁ ମାମଲା। ସାଂଘାତିକ ଖୁଲାସା କଲେ ଓଲା ଡ୍ରାଇଭର ଚୁନୁ ଦାସ । ମୃତ୍ୟୁ ପୂର୍ବରୁ ଗତ ମାସ ୧୬ ତାରିଖରେ ଓଲା କାର୍ ବୁକ୍ କରିଥିଲେ ସୁସ୍ମିତା  । ସିଭିଲଟାଉନସିପ ମଲକୁ ଆସିବା ପାଇଁ ବୁକ କରିଥିଲେ । ମାତ୍ର କାର ପହଞ୍ଚିବା ସମୟରେ  ସେକ୍ଟର ତିନି ଛକ ରାସ୍ତା ଫୁଟପାଥରେ ସେ ମୁଣ୍ଡରେ ହାତଦେଇ ବସିଥିଲେ । ପରେ କାରରେ ଯାଇ କିନ୍ଥୁ ବିଶ୍ରା ଛକଠାରେ ଫୋନ ଆସିବାରୁ ଅଟକିଥିଲେ। ପରେ ମଲକୁ ଆସି ୩୫ରୁ ୪୦ ମିନିଟ ରହିବା ପରେ ଅନୁରାଗ ହୋଟେଲକୁ ଫେରିଥିଲେ। ୧୬ ଓ ୧୭ ତାରିଖରେ ଅନୁରାଗ ହୋଟେଲରେ ରହିଥିଲେ ସୁସ୍ମିତା ।

ଏ ସମ୍ପର୍କରେ ହୋଟେଲ ଅନୁରାଗର ମ୍ୟାନେଜରଙ୍କୁ ଜେରା କରାଯାଇଛି। ମାମଲାରେ ଏପର୍ଯ୍ୟନ୍ତ ୧୪ ଜଣଙ୍କୁ ଜେରା କରାଯାଇଥିବା ରାଉରକେଲା ଏସପି ମିତ୍ରଭାନୁ ମହାପାତ୍ର ସୂଚନା ଦେଇଛନ୍ତି । ଗତମାସ ୧୯ ତାରିଖରେ ରାଉରକେଲା ସେନସୋରି ପାର୍କ ପୋଖରୀରୁ ଆସିଣ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜଙ୍କ ମୃତଦେହ ଉଦ୍ଧାର କରାଯାଇଥିଲା । ବିବାହ ପରେ ସ୍ବାମୀଙ୍କ ସହିତ ସୁସ୍ମିତାଙ୍କ ଭଲ ସମ୍ପର୍କ ନଥିଲା । ଏପରିକି ସୁସ୍ମିତା ୨୦୨୨ ମସିହାରେ ରାଉରକେଲା ପରିବାର ଅଦାଲତରେ ଛାଡପତ୍ର ମାମଲା ରୁଜୁ କରିଥିଲେ । ମୃତ୍ୟୁ ପୂର୍ବରୁ ସୁସ୍ମିତାଙ୍କ ଫୋନକୁ ଶେଷ କଲ କରିଥଇବା ଯୁବକଙ୍କୁ ପୋଲିସ ପଚରାଉଚରା କରିଛି । ସୁସ୍ମିତାଙ୍କ ମଧ୍ୟ ୪ ଜଣଙ୍କସହ ଗୁରୁଣ୍ଡିଆ ବିଡିଓ ଓ ସିଡିପିଓଙ୍କୁ ପୁର୍ବରୁ ଜେରା କରାଯାଇଛି ।