ପୁଣି ‘ରଙ୍ଗ’ ବଦଳାଇଲେ ରାଜ୍ଯ ସରକାର; ମାର୍କେଟକୁ ଆସିଲା ଗେରୁଆ ରଙ୍ଗର ଓମଫେଡ ଦୁଗ୍ଧ ପ୍ଯାକେଟ

ଭୁବନେଶ୍ୱର : ପୁଣି ସରକାର ବଦଳାଇଲେ ରଙ୍ଗ । ମାର୍କେଟକୁ ବହୁଳ ଭାବେ ଆସିଲା ଗେରୁଆ ରଙ୍ଗର ପ୍ୟାକେଟରେ ନୂଆ ଓମଫେଡ କ୍ଷୀର। ଗେରୁଆ ପ୍ୟାକେଟ ଆସୁ ଆସୁ ଏହାକୁ ନେଇ ବି ଉଠିଛି ଠକେଇ ଅଭିଯୋଗ । ଏହି କ୍ଷୀରର ଦାମ ଲିଟର ପିଛା ୪ ଟଙ୍କା ବଢ଼ାଯାଇଛି । ଏପରିକି କ୍ଷୀର ପ୍ୟାକେଟରେ ଅଧଲିଟର ବଦଳରେ ୪୫୦ ମିଲିଲିଟର ଦିଆଯାଇଛି । ତେଣୁ ଗୋଟିଏ ପଟେ କ୍ଷୀରର ପରିମାଣ କମାଯିବା ଓ କ୍ଷୀର ଦରବୃଦ୍ଧି କରାଯିବାକୁ ନେଇ ଜନସନ୍ତୋଷ ଦେଖାଦେଇଛି । ରଙ୍ଗ ଓ ନାଁ ବଦଳାଇବା ପ୍ରସଙ୍ଗକୁ ନେଇ ରାଜନୀତି ତୀଵ୍ର ହେଉଥିବା ବେଳେ ଏବେ ଗେରୁଆ ରଙ୍ଗର କ୍ଷୀର ପ୍ୟାକେଟର ଦରବୃଦ୍ଧି ଓ ପରିମାଣ କମିବାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଲାଣି ।