ଅକ୍ଟୋବର ମାସ ପାଇଁ ରାଜ୍ୟ ସରକାରଙ୍କର ନୂଆ ଗାଇଡଲାଇନ୍, ଖୋଲିବନି ସ୍କୁଲ-କଲେଜ
1 min read
ଭୁବନେଶ୍ୱର: ଅକ୍ଟୋବର ମାସ ପାଇଁ ରାଜ୍ୟ ସରକାରଙ୍କର ନୂଆ ଗାଇଡଲାଇନ୍ । କେନ୍ଦ୍ର ସରକାରଙ୍କ ପକ୍ଷରୁ ବୁଧବାର ଅନ୍ଲକ୍ ୫.୦ ପାଇଁ ନୂଆ ଗାଇଡ୍ଲାଇନ୍ ଜାରି କରାଯାଇଥିବା ବେଳେ ଗୁରୁବାର ଓଡ଼ିଶା ସରକାରଙ୍କ ପକ୍ଷରୁ ଗାଇଡ୍ଲାଇନ୍ ପ୍ରସ୍ତୁତ କରାଯାଇଛି ।
ରାଜ୍ୟ ସରକାରଙ୍କ ନୂଆ ଗାଇଡ୍ଲାଇନ୍ ଅନୁଯାୟୀ:-
୧.ରାଜ୍ୟରେ ଅକ୍ଟୋବର ମାସରେ ଧାର୍ମିକ ସ୍ଥଳୀ, ସ୍କୁଲ ଓ କଲେଜ ବନ୍ଦ ରହିବ
୨.ଅନ୍ତର୍ଜାତୀୟ ବିମାନ ଚଳାଚଳ ବନ୍ଦ ରହିବ
୩.ସାମାଜିକ, ରାଜନୈତିକ ଓ ସାଂସ୍କୃତିକ କାର୍ଯ୍ୟକ୍ରମକୁ ଅନୁମତି ନାହିଁ
୪.ଉପ-ନିର୍ବାଚନ ପାଇଁ ନିର୍ବାଚନ କମିଶନଙ୍କ ଗାଇଡଲାଇନ୍ ଅନୁଯାୟୀ କାର୍ଯ୍ୟକ୍ରମକୁ ଅନୁମତି ଦିଆଯିବ
୫.ସିନେମା ହଲ୍, ସୁଇମିଂ ପୁଲ୍ ଓ ଥିଏଟର ପୂର୍ବ ଭଳି ବନ୍ଦ ରହିବ
୬.ସର୍ବସାଧାରଣ ସ୍ଥାନରେ ବ୍ୟକ୍ତି-ବ୍ୟକ୍ତି ମଧ୍ୟରେ ୬ ଫୁଟର ଦୂରତା ରହିବ
୭.ଅନ୍ତରାଜ୍ୟ ଓ ଆନ୍ତଃରାଜ୍ୟ ଗମନାଗମନ କଟକଣା ମୁକ୍ତ
୮.ମୁକ୍ତାକାଶ ରଙ୍ଗମଞ୍ଚ ପାଇଁ ଅନୁମତି
୯. ଅକ୍ଟୋବର ୧୫ରୁ ସରକାରୀ ସ୍ୱୀକୃତିପ୍ରାପ୍ତ ସୁଇମିଂ ପୁଲ୍ ଖେଳାଳି ନିମନ୍ତେ ଖୋଲା ରହିବ ।
