ଶୀତରେ ଜମୁଛି ଚା’ ଖଟିର ଆସରା, ଆଉ ବ୍ୟୟାମ ପାଇଁ ମନବଳାଉଛନ୍ତି ଯୁବପିଢି

କନ୍ଧମାଳ/ସୋନପୁର: କନ୍ଧମାଳକୁ ଛୁଇଁଛି ପହିଲି ଶୀତ । ଧିରେଧିରେ ପାରଦ ଖସିବା ସହ ଘନ କୁହୁଡ଼ିର ଆସ୍ଥରଣ ଦେଖିବାକୁ ମିଳୁଛି  । କରୋନା କଟକଣା ଯୋଗୁଁ ପାର୍କ, ଷ୍ଟାଡିୟମ ଆଦି ବନ୍ଦ ରହିଥିବା ବେଳେ ସ୍ଥାନୀୟ ଲୋକେ ରାସ୍ତାରେ ପ୍ରାତଃ ଭ୍ରମଣ କରୁଥିବା ଦେଖିବାକୁ ମିଳୁଛି । ଅନ୍ୟପଟେ ଯୁବଗୋଷ୍ଠୀ ନିଜକୁ ଫିଟ୍ ରଖିବା ପାଇଁ ଖୋଲା ପଡ଼ିଆରେ ବ୍ୟାୟାମ କରିବାସହ ଖେଳକୁଦ ଆରମ୍ଭ କରିଦେଲେଣି ।

ସେପଟେ ଲଘୁଚାପ ଜନିତ ବର୍ଷା ଯୋଗୁଁ ଜିଲ୍ଲାକୁ ଚଳିତବର୍ଷ ଶୀତ ବିଳମ୍ବରେ ଆସିଛି ସତ କିନ୍ତୁ, ପହିଲି ଶୀତର ବେଶ ମଜା ଉଠାଇବା ପାଇଁ ସମସ୍ତେ ପ୍ରସ୍ତୁତ । ଶୀତୁଆ ସକାଳରେ ଚା ପିଇବାର ମଜା ନେଉଛନ୍ତି ଲୋକ । ଅନ୍ୟପଟେ ସୁବର୍ଣ୍ଣପୁର ଜିଲ୍ଲାରେ ବିଗତ ଦୁଇ-ତିନି ଦିନ ହେବ ଶୀତ ଅନୁଭୁତ ହେଉଛି । ବର୍ଷର ପ୍ରଥମ ଶୀତକୁ ଉପଭୋଗ କରୁଛନ୍ତି ଜିଲ୍ଲାବାସୀ । ଲୋକେ ସକାଳୁ ଉଠି ବ୍ୟୟାମ ଓ ଯୋଗ ଆଦି କରୁଥିବା ଦେଖିବାକୁ ମିଳିଛି ।