ଭୁବନେଶ୍ୱରରେ ଡବଲ ଡେକର ବସ: ବସରେ ଓଡ଼ିଶାର କଳା, ସଂସ୍କୃତିର ଝଲକ
1 min read
ଭୁବନେଶ୍ବର: ଭୁବନେଶ୍ୱର ପହଞ୍ଚିଲା ଡବଲ ଡେକର ବସ୍ । ବସ୍ରେ ଓଡ଼ିଶାର କଳା, ସଂସ୍କୃତିର ଝଲକ ପ୍ରତିଫଳିତ ରହିଛି । ପ୍ରବାସୀ ଭାରତୀୟ ଦିବସରେ ଯୋଗଦେବାକୁ ଆସିଥିବା ଅତିଥିମାନେ ଏହି ବସ୍ରେ ଯାତ୍ରା କରିବେ । କ୍ୟାପିଟାଲ ଅର୍ବାନ ରିଜିଅନ ଟ୍ରାନ୍ସପୋର୍ଟ ବା କ୍ରୁଟ ପକ୍ଷରୁ ଭୁବନେଶ୍ୱର-କଟକ-ପୁରୀରେ ଡବଲ ଡେକର ବସ୍ ଚଳାଇବାକୁ ଯୋଜନା ହୋଇଛି । ପ୍ରାଥମିକ ପର୍ଯ୍ୟାୟରେ ମୋଟ ୫ଟି ବସ୍ ଆସିବାକୁ ଥିବା ବେଳେ ୨ଟି ବସ୍ ଓଡ଼ିଶା ଆସିଛି ।
ବସ୍ର ଆଗ ଭାଗରେ ବଡ଼ କୋଣାର୍କ ଚକ୍ର ରହିଛି। ମଧ୍ଯରେ ଧଉଳି ଶାନ୍ତିସ୍ତୂପ, ଗୋଟିପୁଅ ନୃତ୍ୟ, ଓଡ଼ିଶୀ ନୃତ୍ୟ ରହିଛି । ସେହିପରି ବାଲିଯାତ୍ରା ପଡ଼ିଆ ଗେଟ୍ର ଫଟୋ ଏହି ବସ୍ରେ ରହିଛି । ସମସ୍ତ ଡବଲ ଡେକର ବସ୍ ବ୍ୟାଟେରୀ ଚାଳିତ। ଭୁବନେଶ୍ଵର ସମେତ କ୍ୟାପିଟାଲ ରିଜିଅନରେ ସହରୀକରଣ ବଢୁଛି । ପ୍ରତିଦିନ ପ୍ରାୟ ୨.୭୫ ଲକ୍ଷ ଲୋକେ ମୋ ବସ୍ରେ ଯାତ୍ରା କରୁଛନ୍ତି । ଆଗକୁ ଏହି ସଂଖ୍ୟା ଦୁଇ ଗୁଣା ବଢିବ । ଏହାକୁ ଦୃଷ୍ଟିରେ ରଖି ଡବଲ ଡେକର ମୋ ବସ୍ ଆଣିବାକୁ କ୍ରୁଟ ପକ୍ଷରୁ ଯୋଜନା କରାଯାଇଥିଲା। ପୂର୍ବରୁ ଅଧିକାରୀମାନେ ପୁରୀ ବୁଲି ଏହାର ସମୀକ୍ଷା କରିଥିଲେ। ଜଗନ୍ନାଥ ଦର୍ଶନାଭିଳାଷୀଙ୍କ ପାଇଁ ଏହି ସୁବିଧା ଆରମ୍ଭ ହେବ। ଏନେଇ ଖୁବ୍ଶୀଘ୍ର ଏକ ଡିପୋ ନିର୍ମାଣ ହେବ । ଆସନ୍ତା ୬ ତାରିଖରେ ବସକୁ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି । ବସରେ ମୋଟ୍ ୬୭ ଜଣ ଯାତ୍ରୀ ବସିବାର କ୍ଷମତା ରହିଛି।
