କାର୍ତ୍ତିକ ସରିବା ପରେ ବି ରାଜ୍ୟରେ ନାହିଁ ହାଡଭଙ୍ଗା ଶୀତ

ଭୁବନେଶ୍ବର: କାର୍ତ୍ତିକ ସରିବା ପରେ ବି ରାଜ୍ୟରେ ନାହିଁ ହାଡଭଙ୍ଗା ଶୀତ। କିଛି ପ୍ୟାଚରେ କମୁଛି ତାପମାତ୍ରା । ଦକ୍ଷିଣ ଆଭ୍ୟନ୍ତରୀଣ ଓଡିଶାକୁ ଛାଡିଦେଲେ ଅନ୍ୟ ଜିଲ୍ଲାରେ ନାହିଁ ଜାଡ । ଉପକୂଳ ଓ ଉତ୍ତର ଓଡିଶାରେ ଏବେ ବି ହୋଇନି ସ୍ବାଭାବିକ ତାପମାତ୍ରା । ଆସନ୍ତା ୩ ଦିନ ମଧ୍ୟରେ ୨ ରୁ ୩ ଡିଗ୍ରୀ ପର୍ଯ୍ୟନ୍ତ ପାରଦ କମିବା ନେଇ ପାଣିପାଗ କେନ୍ଦ୍ରର ପୂର୍ବାନୁମାନ କରିଛି ।

ଫୁଲବାଣୀରେ ସର୍ବନିମ୍ନ ୧୧ ଡିଗ୍ରୀ ତାପମାତ୍ରା ରେକର୍ଡ ହୋଇଛି । ଉପକୂଳ ଓଡିଶାରେ ଏବେ ବି ବାୟୁମଣ୍ଡଳରେ ଆର୍ଦ୍ରତା ରହୁଛି । ଉତ୍ତର ଦିଗରୁ ଥଣ୍ଡା ପବନ ପ୍ରବାହ ନବଢିବା ଯାଏଁ ଜାଡ ଅନୁଭବ ହେବନାହିଁ ।