ଭୁବନେଶ୍ୱର: ପୁଣି ଓଡ଼ିଶା ପାଇଁ ମାଡ଼ି ଆସୁଛି ବିପଦ । ବୋଝ ଉପରେ ନଳିତା ବିଡ଼ା ଭଳି ମାଡ଼ି ଆସୁଛି ସଙ୍କଟ । କୋରୋନା ମହାମାରୀକୁ ନେଇ ସାରା ବିଶ୍ୱ ଏବେ ଭୟଭୀତ ଥିବା ବେଳେ ଭାରତ ମଧ୍ୟ ଏଥିରୁ ବର୍ତ୍ତି ନାହିଁ । ସେହିଭଳି ଓଡ଼ିଶାରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି ।
ତେବେ ଓଡ଼ିଶାରେ କୋରୋନା କାୟା ବିସ୍ତାର କରୁଥିବା ବେଳେ ଏବେ ମାଡ଼ି ଆସୁଛି ବାତ୍ୟା । ଆସନ୍ତା ମେ’ ପ୍ରଥମ ସପ୍ତାହରେ ଏହି ବାତ୍ୟା ଓଡ଼ିଶା ଉପକୂଳ ଛୁଇଁପାରେ ବୋଲି ଆଶଙ୍କା କରାଯାଉଛି । ଗତ ଫୋନି ବାତ୍ୟା ଭଳି ଏହି ବାତ୍ୟା ମଧ୍ୟ ଭୟଙ୍କର ରୂପ ନେବାର ଆଶଙ୍କା ରହିଛି । ଏପ୍ରିଲ୍ ୨୯ ପରଠାରୁ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି । ପରେ ଏହା ଡିପ୍ ଡିପ୍ରେସନ୍ର ରୂପ ନେଇ ବାତ୍ୟାର ରୂପ ନେବ ବୋଲି ଆଶଙ୍କା କରାଯାଉଛି । ପୁଣେ ସ୍ଥିତ Indian Institute of Tropical Metrology (IITM), ଏବଂ ଆମେରିକାର Global Forecast System (GFS)ର ସୂଚନା ଅନୁଯାୟୀ, ଏହି ସାଇକ୍ଲୋନିକ ସିଷ୍ଟମ ଭାରତୀୟ ଉପକୂଳ ଆଡକୁ ମୁହାଁଇ ମିଆଁମାର ଏବଂ ବାଂଲାଦେଶ ସୀମା ଆଡକୁ ଗତି କରିବ ବୋଲି ପୂର୍ବାନୁମାନ କରାଯାଉଛି ।
