ଅସ୍ତବ୍ୟସ୍ତ କଲାଣି ଶୀତ, ଆହୁରି ବଢ଼ିବ

ଭୁବନେଶ୍ୱର: ରାଜ୍ୟ ବାସୀଙ୍କୁ ଅସ୍ତବ୍ୟସ୍ତ କରୁଛି ଶୀତ । ଶୁସ୍କ ଜଳବାୟୁ ଯୋଗୁଁ ବଢୁଛି ଥଣ୍ଡା । ତଳମୁହାଁ ପାରଦ । ଗତ ୨୪ ଘଣ୍ଟାରେ ୧୬ଟି ସହରର ତାପମାତ୍ରା ୧୫ ଡିଗ୍ରୀ ତଳେ ରହିଥିଲା । ଏବେ ମଧ୍ୟ ୮.୪ ଡିଗ୍ରୀକୁ ନେଇ ସବୁଠୁ ଥଣ୍ଡା ସହର ପାଲଟିଥିଲା ସୋନପୁର । ଦାରିଙ୍ଗବାଡିରେ ୯ ଓ ଫୁଲବାଣୀରେ ୧୦ ରହିଥିଲା ପାରା ।

ସେପଟେ କନ୍ଧମାଳରେ ଜାରି ରହିଛି ଶୀତର ପ୍ରବାହ । ଧିରେ ଧିରେ ପାରଦ ଖସିବା ଯୋଗୁଁ ବାଲିଗୁଡ଼ା, ଦାରିଙ୍ଗିବାଡ଼ି, ବେଲଘର, ତୁମୁଡ଼ିବନ୍ଧ, କୋଟଗଡ଼ ଆଦି ଅଞ୍ଚଳରେ ଶୀତର ପ୍ରକୋପ ବଢିବାରେ ଲାଗିଛି । ଘନ କୁହୁଡ଼ିର ଆସ୍ତରଣ ମଧ୍ୟ ଦେଖିବାକୁ ମିଳୁଛି । ଶୀତ ଦାଉରୁ ରକ୍ଷା ପାଇବା ପାଇଁ ଲୋକେ ନିଆଁ ପୁଆଁଉଛନ୍ତି । ଏହାସହ ଶୀତରେ ନିଜକୁ ଫିଟ୍ ରଖିବା ପାଇଁ ବିଭିନ୍ନ ସ୍ଥାନରେ ମର୍ଣ୍ଣିଂ ଓ୍ୱାକ୍, ଯୋଗ ଓ ବ୍ୟାୟାମ କରୁଛନ୍ତି ଲୋକେ ।