ଓଡ଼ିଶା ଭିଜିଲାନ୍ସ ଇତିହାସରେ ପ୍ରଥମ; ଡିଜିଟାଲ ମୋଡରେ ଲାଞ୍ଚ କାରବାର ଅଭିଯୋଗ

ଭୁବନେଶ୍ୱର: ଲାଞ୍ଚ ନେବାର ନୂଆ ତରିକା । ଡିଜିଟାଲ ମୋଡରେ ଲାଞ୍ଚ ନେଉଥିବା ୩ଟି କେସ୍ ସାମ୍ନାକୁ ଆସିବା ପରେ ସତର୍କ କରାଇଛି ଭିଜିଲାନ୍ସ। କରଞ୍ଜିଆ ତହସିଲଦାର ୨ଟି ବ୍ଲାଙ୍କ ଚେକରେ ୧୨ ଲକ୍ଷ ନେଇଥିଲେ । ଗିରଫ କରି କରଞ୍ଜିଆ ତହସିଲଦାର ଚାର୍ଲସ ନାୟକଙ୍କୁ କୋର୍ଟ ଚାଲାଣ କରାଯାଇଛି । ଜମି କ୍ଷତିପୂରଣ ବାବଦ ୫୧ଲକ୍ଷ ୭୫ହଜାର ୮୧୦ ଟଙ୍କା ଦେବାକୁ ଲାଞ୍ଚ ନେଉଥିଲେ ଚାଲ୍ସ ନାୟକ । ୧୨ଲକ୍ଷ ଟଙ୍କା ଚେକରେ ନେଇଥିବା ହୋଇଥିଲା ଅଭିଯୋଗ ।

ଏହି ଅଭିଯୋଗ ପରେ ଗତକାଲି ୪ଟି ସ୍ଥାନରେ ଚାଲିଥିଲା ଭିଜିଲାନ୍ସ ରେଡ୍। ସେପଟେ ଟାଟା ପାୱାରର ୨ କର୍ମଚାରୀ ତରୁଣ ନାୟକ ଓ ସହଯୋଗୀ ଶୈଳଜା ମୁଦୁଲି ଫୋନ ପେ’ରେ ୧୦ ହଜାର ଲାଞ୍ଚ ନେଇ ଧରାପଡ଼ିଥିଲେ।

ସେହିପରି ବ୍ରହ୍ମପୁରର କ୍ଷୁତ୍ର ଜଳସେଚନ ବିଭାଗର କନିଷ୍ଠ ଯନ୍ତ୍ରୀ ପ୍ରସନ୍ନ କୁମାର ପାଢ଼ୀ ଏଷ୍ଟିମେଟର ଧୀରେନେଦ୍ର ପଣ୍ଡା ଓ ଖଲାସି ଅଜୟ ପାତ୍ର ଗିରଫ ହୋଇଛନ୍ତି । କୁକୁଡାଖଣ୍ଡି ବନ୍ଧ କାମର ଚୁକ୍ତିନାମା ପତ୍ର ପ୍ରଦାନ ପାଇଁ ୧୦ହଜାର ଫୋନ୍ ପେ ରେ ନେଇଥିବା ବେଲେ ଧରିଛି ଭିଜିଲାନ୍ସ । ଲାଞ୍ଚ ନେବାର ନୂଆ ତରିକା ଭିଜିଲାନ୍ସ ଇତିହାସରେ ପ୍ରଥମ ଘଟଣା । ତେଣୁ ଡିଜିଟାଲ ପେମେଣ୍ଟ ଲାଞ୍ଚୁଆଙ୍କୁ ସତର୍କ କରାଇଛି ଭିଜିଲାନ୍ସ ।