୧୧ ରୁ ରାଜ୍ୟ ବ୍ୟାପୀ ଟ୍ରକ୍ ଧର୍ମଘଟ ଡାକରା
ଭୁବନେଶ୍ୱର: ଆସନ୍ତା ୧୧ ତାରିଖ ମଧ୍ୟରାତ୍ରିରୁ ରାଜ୍ୟ ବ୍ୟାପୀ ଟ୍ରକ୍ ଧର୍ମଘଟ ଡାକରା । 5 ଦଫା ଦାବ ନେଇ ରାଜ୍ୟ ଟ୍ରକ୍ ମାଲିକ ସଂଘ ଏହି ବନ୍ଦ ଡାକରା ଦେଇଛି । ଖୁଣ୍ଟୁଣୀ ଟ୍ରକ୍ ମାଲିକ ସଂଘ କାର୍ଯ୍ୟାଳୟରେ ରାଜ୍ୟ ଟ୍ରକ୍ ମାଲିକ ସଂଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ସଂଘ କର୍ମକର୍ତ୍ତା ଏହି ସୂଚନା ଦେଇଛନ୍ତି । 15 ବର୍ଷରୁ ଉର୍ଦ୍ଧ୍ବ ଗାଡ଼ି ରାସ୍ତାରୁ ହଟାଇବା ବଦଳରେ ଏହି ସମୟସୀମା 20 ବର୍ଷ କରିବା ପାଇଁ ଦାବି କରିଛି ସଂଘ ।
ମୋଟର ଯାନ ଧାରା 67 ଅନୁଯାୟୀ ଭଡ଼ା ଧାର୍ଯ୍ୟ କରାଯାଉ ଓ ନୂଆ ଗାଡ଼ି କିଣିଲେ 25 ପ୍ରତିଶତ ରୋଡ ଟାକ୍ସ 10ବର୍ଷ ପର୍ଯ୍ୟନ୍ତ ରିହାତି ଦେବାକୁ ସଂଘ ଦାବି କରିଛି । ଏହି ଧର୍ମଘଟକୁ ଅଲ ଇଣ୍ଡିଆ ମୋଟର ଟ୍ରାନ୍ସପୋର୍ଟ କଂଗ୍ରେସ ସମର୍ଥନ ଜଣାଇଥିବା ରାଜ୍ୟ ଟ୍ରକ୍ ମାଲିକ ସଂଘ ସଭାପତି ବିଭୂତି ପ୍ରସାଦ ଦାସ ଏବଂ ସମ୍ପାଦକ ରବି ନାରାୟଣ ଶତପଥୀ କହିଛନ୍ତି ।
