SCBରେ ହେଲା ପୁନଃମିଳନ: ତିନିଦିନ ପରେ ଏକାଠି ହେଲେ ନବ ଦମ୍ପତି
1 min read
କଟକ: ବାହାନଗା ଟ୍ରେନ ଟ୍ରାଜେଡି । ଦୁର୍ଘଟଣା ପରେ କଟକ ଏସସିବିରେ ରିୟୁନିଅନ । ତିନି ଦିନ ପରେ ଏସସିବି ହସ୍ପିଟାଲରେ ଏକାଠି ହେଲେ ନବ ଦମ୍ପତି । ଟ୍ରେନ ଦୁର୍ଘଟଣା ପରେ ଦମ୍ପତି ଅଲଗା ହୋଇଯାଇଥିଲେ । କଟକର ଏସସିବି ମେଡିକାଲରେ ସ୍ବାମୀଙ୍କ ଚିକିତ୍ସା ଚାଲିଥିବା ବେଳେ ହେଲ୍ପ ଡେସ୍କ ସୂଚନା ଆଧାରରେ ସ୍ବାମୀଙ୍କ ପାଖରେ ପହଞ୍ଚିଛନ୍ତି ସ୍ତ୍ରୀ । ଏବେ ହସ୍ପିଟାଲରେ ଦୁହିଁଙ୍କ ଚିକିତ୍ସା ଚାଲିଛି ।
ଉଭୟଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଥିବା ଜଣାପଡ଼ିଛି । ସେହିପରି ନେପାଳର ୧୫ ବର୍ଷୀୟ ରାମାନନ୍ଦ ହାଜରା ମଧ୍ୟ ନୂଆ ଜୀବନ ପାଇଥିବା ବେଳେ ତିନିଦିନ ପରେ ତାଙ୍କ ବାପା ମାଆ ଏସସିବିରେ ପହଞ୍ଚି ପୁଅକୁ ଭେଟିଛନ୍ତି । ଦୁର୍ଘଟଣା ଦିନ କରମଣ୍ଡଳ ଏକ୍ସପ୍ରେସରେ ଥିଲେ ରାମାନନ୍ଦ । ଆହତ ଅବସ୍ଥାରେ ତାଙ୍କୁ କଟକ ଏସିସିବି ମେଡିକାଲକୁ ଅଣାଯାଇଥିଲା । ଏବେ ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ହେଲ୍ପ ଡେସ୍କର ସୂଚନା ଓ ସହଯୋଗରେ ରାମାନନ୍ଦଙ୍କ ମାଆ-ବାପା ଏସିସିବିରେ ପହଞ୍ଚି ପୁଅକୁ ଭେଟିଛନ୍ତି ।
