ଆସନ୍ତା ୩ରୁ ୪ ଦିନ ଯାଏଁ ତାପମାତ୍ରାରେ ହେବନି ପରିବର୍ତ୍ତନ

ଭୁବନେଶ୍ୱର: ଆସନ୍ତା ୩ରୁ ୪ ଦିନ ଯାଏଁ ତାପମାତ୍ରାରେ ସେତେଟା ପରିବର୍ତ୍ତନ ଆସିବ ନାହିଁ। ହେଲେ ସର୍ବନିମ୍ନ ତାପମାତ୍ରା ସ୍ବାଭାବିକ ରହୁଛି। ସର୍ବାଧିକ ତାପମାତ୍ରା ସ୍ବାଭାବିକ ଠାରୁ ୨ରୁ ୩ ଡିଗ୍ରୀ ଅଧିକ ରହିଛି। ଫେବ୍ରୁଆରୀରେ ପାଗ ପରିବର୍ତ୍ତନ ହୁଏ। ଆଜି ୩୪ ଡିଗ୍ରୀ ପାଖାପାଖି ରହିବ ତାପମାତ୍ରା। ଏବେ ପାଗ ସବୁଠି ଶୁଖିଲା ରହିବ ବୋଲି କହିଛନ୍ତି ଆଞ୍ଚଳିକ ପାଣିପାଗ ବିଜ୍ଞାନ ନିର୍ଦ୍ଦେଶକ।

ତେବେ ବଢୁଥିବା ତାପମାତ୍ରାକୁ ନଜରରେ ରଖି ହିଟୱେବ୍ ଆକ୍ସନ ପ୍ଲାନ୍ ମାଗିଛି ରାଜସ୍ୱ ବିଭାଗ। କ‘ଣ କରାଯାଇ ପାରିବ, ସେ ନେଇ ସ୍ୱାସ୍ଥ୍ୟ, ଶିକ୍ଷା, ପଂଚାୟତିରାଜ, ଜଳ ସମ୍ପଦକୁ ରିପୋର୍ଟ ମଗାଯାଇଛି । ୧୫ ଦିନ ଭିତରେ ରିପୋର୍ଟ ଦେବାକୁ କୁହାଯାଇଥିବା ନେଇ ରାଜସ୍ବ ମନ୍ତ୍ରୀ ପ୍ରମିଳା ମଲ୍ଲିକ ସୂଚନା ଦେଇଛନ୍ତି।

ପ୍ଲାନ ପ୍ରସ୍ତୁତ ହେଲେ ଚୂଡାନ୍ତ ରିପୋର୍ଟ ହେବ । ଲୋକଙ୍କ ସୁରକ୍ଷା, ଛାତ୍ରଛାତ୍ରୀ, ପ୍ରାଣୀଙ୍କ ସୁରକ୍ଷାକୁ ପ୍ରାଥମିକତା ଦିଆଯିବ । ସନଷ୍ଟ୍ରୋକରେ ଯେପରି କେହି ପ୍ରଭାବିତ ହେବେନି, ସେଥିପାଇଁ ବ୍ୟବସ୍ଥା କରାଯିବ । ସେମାନଙ୍କ ପାଇଁ ହସ୍ପିଟାଲରେ ବି ସବୁ ବ୍ୟବସ୍ଥା ରହିବ।