ଡିଫେନ୍ସ ଟାର୍ଗେଟିଂ ସିଷ୍ଟମ ପ୍ରସ୍ତୁତ କରିବ ଓଡ଼ିଶା: ଆଗକୁ ଆସିପାରେ ୫ଶହ କୋଟି ଟଙ୍କାର ଅର୍ଡର

ଭୁବନେଶ୍ୱର: ପ୍ରଥମଥର ପାଇଁ ଓଡ଼ିଶାକୁ ଡିଫେନ୍ସ ମାନୁଫେକଚରିଂ ଅର୍ଡ଼ର । ୧୦୦ କୋଟି ଟଙ୍କାରେ ଯୁଦ୍ଧାସ୍ତ୍ର ନିର୍ମାଣ କରିବାକୁ କଣ୍ଟ୍ରାକ୍ଟ ମିଳିଛି । ଯେଉଁଥିରେ ଡିଫେନ୍ସ ଟାର୍ଗେଟିଂ ସିଷ୍ଟମ ତିଆରି ହେବ । ଅଢେଇ ବର୍ଷ ମଧ୍ୟରେ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହେବ । ଗଞ୍ଜାମ ଜିଲ୍ଲା ଗୋପାଳପୁରରେ ପ୍ରସ୍ତୁତ ହେବ ଏହି ସବୁ ଯୁଦ୍ଧାସ୍ତ୍ର । ଆଣ୍ଡ୍ରୋନ୍ ସିଷ୍ଟମ ସଂସ୍ଥା ଏହି ସବୁ ଅସ୍ତ୍ର ନିର୍ମାଣ କରିବ । ଆଗକୁ ଅସ୍ତ୍ର ନିର୍ମାଣ ପାଇଁ ଆହୁରି ୫୦୦ କୋଟି ଟଙ୍କାର ଫଣ୍ଡ ମିଳିବାର ସମ୍ଭାବନା ରହିଛି । ତେବେ ଏହି କାର୍ଯ୍ୟ ସଫଳ ହେଲେ ଅନ୍ୟ ବ୍ୟବସାୟୀ ପୁଞ୍ଜି ନିବେଶ କରିବେ । ତେବେ ରାଜ୍ୟ ସରକାର ଡିଫେନ୍ସ ମାନୁଫେକଚରିଂ ପାଇଁ ଜମି ପ୍ରଦାନ କରିବା ସହ ସମସ୍ତ ପ୍ରକାର ପ୍ରତ୍ସାହନ ଯୋଗାଇ ଦେଇଛନ୍ତି ।

ଏଥିସହିତ ପଢ଼ନ୍ତୁ: KBN ଗ୍ୟାଙ୍ଗ ମୁଖ୍ୟ ବୁବୁ ଜେନା ଗିରଫ, ୩ ମାସ ପରେ ଗିରଫ କଲା ପୋଲିସ