ରାଜ୍ୟରେ ବୃଦ୍ଧି ହେବ ଯୁକ୍ତ ଦୁଇ ସିଟ ସଂଖ୍ୟା

ଭୁବନେଶ୍ୱର: ମାଟ୍ରିକରେ ଏଥର ବମ୍ପର ରେଜଲ୍ଟ ହୋଇଛି। ସେଥିପାଇଁ ଯୁକ୍ତ ଦୁଇ ସିଟ ସଂଖ୍ୟାରେ ବୃଦ୍ଧି ହେବ ବୋଲି କହିଛନ୍ତି ବିଦ୍ୟାଳୟ ଗଣଶିକ୍ଷା ମନ୍ତ୍ରୀ ସୁଦାମ ମାର୍ଣ୍ଡି । ଯୁକ୍ତ ଦୁଇରେ ୧୩ ହଜାର ସିଟ ବୃଦ୍ଧି ହେବ ନେଇ ମନ୍ତ୍ରୀ କହିଛନ୍ତି । ୨୦୨୩-୨୪ ଶିକ୍ଷା ବର୍ଷରୁ ୧୦୬ ନୂଆ ଉଚ୍ଚ ମାଧ୍ୟମିକ ବିଦ୍ୟାଳୟ ଖୋଲାଯିବ।

ମୋ ସ୍କୁଲ ଅଭିଯାନରେ ବିଦ୍ୟାଳୟଗୁଡ଼ିକର ଭିତ୍ତିଭୂମି ବିକାଶ ହୋଇଛି। ସବୁ ୧୧୪ ପୌରାଞ୍ଚଳ ଓ ଏନଏନସିରେ ଗୋଟିଏ ଲେଖାଏଁ ମଡେଲ ସ୍କୁଲ ଅଛି । ୨୦୨୩ ଶେଷ ସୁଦ୍ଧା ରାଜ୍ୟରେ ସବୁ ହାଇସ୍କୁଲରେ ଆଇଟି ଲ୍ୟାବ ଉପଲବ୍ଧ ହେବ ବୋଲି ପ୍ରେସମିଟରେ ସୂଚନା ଦେଇଛନ୍ତି ମନ୍ତ୍ରୀ। ମୁଖ୍ୟମନ୍ତ୍ରୀଙ୍କ ବିଭାଗର ରିପୋର୍ଟ କାର୍ଡ ପ୍ରଦାନ ପରେ ମନ୍ତ୍ରୀ ଏହି ସୂଚନା ଦେଇଛନ୍ତି ।