ପ୍ଲାଜ୍ମା ଦାତାଙ୍କୁ ଧନ୍ୟବାଦ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
1 min read
ଭୁବନେଶ୍ୱର: ଲୋକଙ୍କ ସୁରକ୍ଷା ପାଇଁ ପ୍ଲାଜମା ଦାନ କରିଥିବା ଅଗ୍ନିଶମ ଓ ପୋଲିସ ବାହିନୀଙ୍କୁ ସାଧୁବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନିଜ ଟ୍ୱିଟ୍ ମାଧ୍ୟମରେ ନବୀନ ଧନ୍ୟବାଦ ଜଣାଇଛନ୍ତି । ଏମିତିକି ନିଜ ଟ୍ୱିଟ୍ ଆକାଉଣ୍ଟରେ ଜଣ ଜଣଙ୍କ ନାଁ ଲେଖି ସେମାନଙ୍କୁ ସାଧୁବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେମାନଙ୍କ ମାନବିକତା ଓ ସେବା ମନୋଭାବକୁ ନେଇ ଢ଼େର ପ୍ରଶଂସା କରିଛନ୍ତି । ଏହି ପ୍ଲାଜ୍ମା ଦାତା ସମସ୍ତଙ୍କ ପାଇଁ ଉଦାହରଣ ବୋଲି ସେ କହିଛନ୍ତି । ରାଜ୍ୟରେ ପ୍ଲାଜମା ଥେରପି ଚମତ୍କାର କରୁଛି । କରୋନା ରୋଗୀଙ୍କୁ ସୁସ୍ଥ କରିବା ପାଇଁ ପ୍ଲାଜ୍ମା ରାମବାଣ ସଦୃଶ କାମ କରୁଛି । ଡାକ୍ତର ଓ ରୋଗୀଙ୍କ ପାଇଁ ଆଶା ସଞ୍ଚାର କରିଛି ପ୍ଲାଜମା ଥେରାପି । ଏହି ଚିକିତ୍ସା ସମସ୍ତଙ୍କ ମନରେ ଆତ୍ମ ବିଶ୍ୱାସ ସୃଷ୍ଟି କରିଛି । ତେବେ ରାଜ୍ୟରେ ପ୍ଲାଜମା ଦାନକୁ ଉତ୍ସାହିତ କରିବାକୁ ସରକାର ବ୍ଲୁ-ପ୍ରିଣ୍ଟ ପ୍ରସ୍ତୁତ କରିଛନ୍ତି ।
ଶୁକ୍ରବାର ରାଜ୍ୟରେ ପ୍ଲାଜ୍ମା ଥେରାପିରେ ପ୍ରଥମ କରୋନା ଆକ୍ରନ୍ତ ସୁସ୍ଥ ହୋଇଛନ୍ତି । କଟକର ଆଶ୍ୱିନୀ ହସ୍ପିଟାଲରେ ସେ ଭର୍ତ୍ତି ହୋଇଥିଲେ । ତାଙ୍କ ସ୍ୱାସ୍ଥ୍ୟ ଅବସ୍ଥା ଅତ୍ୟନ୍ତ ଗୁରୁତର ଥିଲା । ଏମିତିକି ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା । ହେଲେ ପ୍ଲାଜ୍ମା ଥେରାପିରେ ଚିକିତ୍ସା କରାଯିବା ପରେ ୪୨ ବର୍ଷୀୟ ଏହି ମହିଳା ଜଣଙ୍କ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି । ମାତ୍ର ୧୦ ଦିନରେ ହିଁ ସେ ସୁସ୍ଥ ହୋଇ ଘରକୁ ଫରିଛନ୍ତି ।
