ଉତ୍ପାତ ହେଲେ ଅଧକିଲିଆ ଲାଠିରେ କରେଣ୍ଟ ଖାଇବେ ଦଙ୍ଗାକାରୀ…..

ଭୁବନେଶ୍ୱର: ଅନେକ ସମୟରେ ଦଂଗାକାରୀ ଆବଶ୍ୟକତାଠାରୁ ଅଧିକ ଉତ୍ପାତ ହୁଅନ୍ତି । ଦଂଗା ବେଳେ ଅସାମାଜିକ ଲୋକ ମଧ୍ୟ ଏକାଠି ହୋଇଯା’ନ୍ତି । କେବଳ ସେଥିପାଇଁ ଆଇନଶୃଙ୍ଖଳା ପରିସ୍ଥିତି ରକ୍ଷା ପୁଲିସ ପାଇଁ କାଠିକର ହୋଇପଡ଼େ । ପରିସ୍ଥିତି ଅଣାୟତ୍ତ ହେଲେ ପୁଲିସ ବାଧ୍ୟ ହୋଇ ଲାଠି ଚାଳନା କରେ । ତେଣୁ ଦଙ୍ଗାକରୀ ସାବଧାନ ହୋଇ ଯା’ନ୍ତୁ।

ଏଥର ଭିଡ଼, ହିଂସା ଓ ଗଣ୍ଡଗୋଳ ରୋକିବ ବିଦ୍ୟୁତ ଲାଠି । ବିକ୍ଷୋଭ ପ୍ରଦର୍ଶନ ଓ ଗଣ୍ଡଗୋଳ ରୋକିବାକୁ ଓଡ଼ିଶା ପୋଲିସ ଆପଣେଇବାକୁ ଯାଉଛି ଏହି ନୂଆ ତରିକା। ପ୍ରଥମ ପର୍ଯ୍ୟାୟରେ ଶହେଟି ରୁଲ୍ ବାଡ଼ି କଣିବାକୁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିଛି ପୋଲିସ । ଯାହା ମୁଖ୍ୟତଃ ଦଙ୍ଗା ଓ ମାତ୍ରାଧିକ ବିଶୃଙ୍ଖଳିତ ପ୍ରଦର୍ଶନ ଉପରେ ପ୍ରୟୋଗ କରାଯିବ । ଏଥିପାଇଁ ଆରମ୍ଭ ହୋଇଛି ଟେଣ୍ଡର ପ୍ରକ୍ରିୟା । ଏହି ଲାଠି ପ୍ରୟୋଗ ଦ୍ୱାରା ସକ୍‌ ଲାଗିବ କିନ୍ତୁ ସେମିତି କୌଣସି ବଡ଼ ଅଘଟଣ ଘଟିବ ନାହିଁ କିମ୍ବା ମାଡ଼ ବସିଥିବା ଲୋକ ଆହତ ହେବନି । ତେବେ ଆସନ୍ତୁ ଜାଣିବା ଏହାର ବିଶେଷତ୍ୱ….

କ’ଣ ଏହି ବିଦ୍ୟୁତ୍ ଲାଠି ?

– ଭିଡ଼ ନିୟନ୍ତ୍ରଣ ଓ ବିକ୍ଷୋଭ ଘୋଉଡ଼ାଇବା ପାଇଁ ବ୍ୟବହାର ହୁଏ
– ବର୍ତ୍ତମାନ ଦେଶର ଅନ୍ୟାନ୍ୟ ସହର ଓ ପାରାମିଲିଟାରୀ ଫୋର୍ସ ପାଖରେ ଅଛି ଏହି ଲାଠି
-ଆଲୁମିନିୟମ ନିର୍ମିତ, ଏଲିଡି ଫ୍ଲାସଲାଇଟ୍‌ ରହିତ ରିଚାର୍ଜେବଲ ଉପକରଣ
-ଆକାର ୪୨୦ ମିଲିମିଟର ଲମ୍ବା ୩୪ ମିଲିମିଟର ମୋଟେଇ
– ଓଜନ: ୫୩୯ ଗ୍ରାମ
-୬ ଭୋଲ୍ଟ ଡାଇରେକ୍ଟ କରେଣ୍ଟ ଇନପୁଟ୍‌ରେ ବାହାରେ୧୦ ହଜାର କିଲୋଭୋଲ୍ଟ ଆଉଟପୁଟ ଭୋଲଟେଜ୍‌
– କଳା ଓ ହଳଦିଆ ରଙ୍ଗରେ ଉପଲବ୍ଧ
-ଏହି ଲାଠି ପ୍ରୟୋଗ ଦ୍ୱାରା ସକ୍‌ ଲାଗିବ, କିନ୍ତୁ ଆହତ କି କୌଣସି ଅଘଟଣ ହେବନି ଅଭିଯୁକ୍ତ

କେଉଁଠି ବ୍ୟବହାର କରିବ ଓଡ଼ିଶା ପୋଲିସ ?

ଅତି ଆବଶ୍ୟକ ହେଲେ ଏହି ଲାଠି ପ୍ରୟୋଗ କରାଯିବ । ଅଧିକ ପରିମାଣରେ କମିସନରେଟ୍‌ ପୋଲିସକୁ ଦିଆଯିବ । ଟୁଇନ୍‌ ସିଟିରେ ଧାରଣା, ରାଲି ଓ ବିକ୍ଷୋଭ ଘୋଉଡ଼ାଇବା ପାଇଁ ମୁଖ୍ୟତଃ ଏହାର ବ୍ୟବହାର କରାଯିବ । ବିଶେଷ କରି ଲୋୟର ପିଏମ୍‌ଜି ଧାରଣାସ୍ଥଳ ପାଇଁ ସର୍ବଦା ଉପଲବ୍ଧ ରଖିବାକୁ ଚିନ୍ତା କରୁଛି ପୋଲିସ । ଏହା ବ୍ୟତୀତ ରାଜ୍ୟର ଅତି ସମ୍ବେଦନଶୀଳ ସହର ଓ ଶିଳ୍ପାଞ୍ଚଳରେ ହେଉଥିବା ବିଶୃଙ୍ଖଳା ରୋକିବା ପାଇଁ ପ୍ରୟୋଗ ହେବ ବିଦ୍ୟୁତ ଲାଠି ।

କାହିଁକି ଆବଶ୍ୟକ କଲା ଓଡ଼ିଶା ?

୨୦୧୭ ମସିହା ଏନ୍‌ସିଆରବି ତଥ୍ୟ ଅନୁସାରେ ରାଜ୍ୟରେ ରୁଜୁ ହୋଇଛି ୨୪୦୭ ଟି ଦଙ୍ଗା ମାମଲା । ଯାହା ସାରା ଦେଶରେ ସର୍ବାଧିକ । ଏଥିଭିତରୁ ୮୧ଟି କେବଳ ଶିଳ୍ପାଞ୍ଚଳରେ ଘଟିଛି । ତେଣୁ ଏସବୁ ଅଭାବନୀୟ ସ୍ଥିତିକୁ ଏଡ଼ାଇବା ପାଇଁ ପୋଲିସ ବ୍ୟବହାର କରିବ ବିଦ୍ୟୁତ୍‌ ଲାଠି । ବର୍ତ୍ତମାନ ବିଶୃଙ୍ଖଳା ଏଡ଼ାଇବା ପାଇଁ ଆମ ପୋଲିସ ଲାଠିଚାର୍ଜ, ପାଣିମାଡ଼ ଓ ଲୁହବୁହା ଗ୍ୟାସ ପ୍ରୟୋଗ କରୁଛି । ଯାହା ଦ୍ୱାରା ଅନେକ ସମୟରେ ଲୋକ ଆହତ ହେଉଥିଲେ । କିନ୍ତୁ ଏହି ବିଦ୍ୟୁତ୍ ଲାଠି ଦ୍ୱାରା ବିକ୍ଷୋଭକାରୀ ଆହତ ହେବେନି । ')}