ଭୁବନେଶ୍ୱର: ଓଡ଼ିଶା ଦରିଦ୍ର ନୁହେଁ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଯୋଗୁଁ ଓଡ଼ିଶା ଏକ ବିକଶିତ ରାଜ୍ୟ ଭାବେ ଉଭା ହୋଇଛି। କୁଜଙ୍ଗ ବ୍ଲକ ପଡ଼ିଆରେ ନିଜର ୮୧ ତମ ଜନ୍ମଦିନ ପାଳନ ଅବସରରେ ଏହା କହିଛନ୍ତି ବରିଷ୍ଠ ରାଜନେତା ଡ. ଦାମୋଦର ରାଉତ।
୫୦ ବର୍ଷ ହେଲା ମୁଁ ରାଜନୀତିରେ କାଟିଲେଣି। ବୟସ ହେଲାଣି। ଏବେ ଆଉ ନିର୍ବାଚନ ଓ ରାଜନୀତିରେ ଆଗ୍ରହ ନାହିଁ । ଗୋଡ଼ ହାତ ଚଳୁଥିବା ପର୍ଯ୍ୟନ୍ତ ବିଜୁବାବୁଙ୍କ ଆଦର୍ଶରେ ଲୋକଙ୍କ ସେବା କରିବି ବୋଲି ସେ କହିଛନ୍ତି । ଦାମ ବାବୁଙ୍କ ଜନ୍ମଦିନକୁ ନେଇ ପାରାଦୀପ ନିର୍ବାଚନ ମଣ୍ଡଳୀରେ ଆଜି ଦିନ ତମାମ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ତେବେ ସନ୍ଧ୍ୟାରେ ଆୟୋଜିତ ସଭାରେ ବରିଷ୍ଠ ସାମ୍ବାଦିକ ପ୍ରଦୋଷ ପଟ୍ଟନାୟକ, ପ୍ରଦ୍ୟୁମ୍ନ ଶତପଥୀ ପ୍ରମୁଖ ଯୋଗ ଦେଇଥିଲେ । ନାଚ ଗୀତ ସହ ବିରାଟ ରାଲିରେ ଦାମୋଦର ରାଉତଙ୍କୁ ସଭା ନିକଟକୁ ପାଛୋଟି ଆଣିଥିଲେ ସ୍ଥାନୀୟ ଲୋକେ।
