ରଥଯାତ୍ରା ନେଇ ସରକାରଙ୍କୁ ନିଷ୍ପତ୍ତି ନେବାକୁ କହିଲେ ହାଇକୋର୍ଟ..

କଟକ: ରାଥଯାତ୍ରା ନେଇ ସରକାର ନେବେ ନିଷ୍ପତ୍ତି । କଟକ-ହାଇକୋର୍ଟ ରେ ରଥଯାତ୍ରା ପ୍ରସଙ୍ଗ ଉପରେ ଶୁଣାଣି କରି ରାଜ୍ୟ ସରକାରଙ୍କୁ ପରିସ୍ଥିତି କୁ ଦୃଷ୍ଟିରେ ରଖି ବ୍ୟବସ୍ଥା କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । କେନ୍ଦ୍ର ସରକାରଙ୍କ କୋଭିଡ୍ ନିୟମ ମାନି ନିଷ୍ପତ୍ତି ନେବାକୁ ରାଜ୍ୟ ସରକାରଙ୍କୁ କହିଛନ୍ତି ହାଇକୋର୍ଟ । ଶୁଣାଣି କାଳରେ ରାଜ୍ୟ ସରକାରଙ୍କ ପକ୍ଷ ରଖିଥିଲେ ଆଡଭୋକେଟ ଜେନେରାଲ । ହାଇକୋର୍ଟଙ୍କ ଆଦେଶ ପରେ ରଥଯାତ୍ରା ହେବ କି ନାହିଁ ରାଜ୍ୟ ସରକାରଙ୍କ ନିଷ୍ପତ୍ତି ଉପରେ ନିର୍ଭର କରୁଛି ।

ତେବେ ରଥଯାତ୍ରା ପାଖେଇ ଆସିଲାଣି । ରଥଖଳାରେ ଜୋରସୋରରେ ଚାଲିଚି ରଥ ନିର୍ମାଣ କାମ । ରଥ ନିର୍ମାଣରେ ମହାରଣା, ରୂପକାର, କମାର ଓ ଭୋଇ ସେବକ ନିୟୋଜିତ ଅଛନ୍ତି । ୩ ରଥକୁ ଉଠିଲା ବଡ଼ ପୋଟଳ । ଶୀଘ୍ର କାମ ସାରିବାକୁ କାହାରି ହାତକୁ ତର ନାହିଁ । ରଥର ପ୍ରାୟ ୭୦ ପ୍ରତିଶତ କାମ ସରିଥିବା ବେଳେ ନିର୍ଦ୍ଧାରିତ ସମୟରେ ରଥ ନିର୍ମାଣ କାମ ସରିବ ବୋଲି ସେବାୟତ ମାନେ କହିଛନ୍ତି ।

ସେହିପରି ୩ ରଥର ୧୪ ନାହାକା ନିର୍ମାଣ କାମ ଅନୁଷ୍ଠିତ ହୋଇଥିବା ବେଳେ ପ୍ରଥମ, ଦ୍ବିତୀୟ ଭୂଇଁ ଲାଗିସାରିଥିବା ବେଳେ ତୃତୀୟ ଭୂଇଁ କାମ ସରିଛି । ପାରାଭାଡ଼ି କାମ ଜାରି ରହିଛି । ରଥରେ ରଙ୍ଗପକାଇବା କାମ ଆରମ୍ଭ ହୋଇଛି ।