ଜଗନ୍ନାଥଙ୍କୁ ଦର୍ଶନ କରିବାକୁ ଯାଇ ବୋହୂ ଫେରାର

ଭୁବନେଶ୍ୱର: ଜଗନ୍ନାଥଙ୍କୁ ଦର୍ଶନ କରିବାକୁ ଯାଇ ବୋହୂ ଫେରାର। ସୁନା ଅଳଙ୍କାର ସହ ଟଙ୍କା ନେଇ ଫେରାର ହୋଇଯାଇଛନ୍ତି ନବବଧୂ। ଭୁବନେଶ୍ୱର ଉପକଣ୍ଠ ବାଲିପାଟଣା ଥାନା ବାଘବରାହି ପାଟଣା ଗାଁର ଘଟଣା। ଗତ ୯ ତାରିଖରେ ବିବାହ କରିଥିଲେ ସମୀର ସାହୁ।

ବାହାଘରର ୧୦ଦିନ ପରେ ଉଭୟ ଜଗନ୍ନାଥଙ୍କୁ ଦର୍ଶନ କରିବାକୁ ପୁରୀ ଯାଇଥିଲେ। ସେଠାରୁ ସ୍ତ୍ରୀ କେଉଁଆଡ଼େ ଫେରାର ହୋଇଯାଇଥିଲେ। ଝିଅର ବାପା ଝିଅଙ୍କୁ ଖୋଜି ଆଣିଥିଲେ ମଧ୍ୟ ଶାଶୂଘରକୁ ଯିବାକୁ ସେ ରାଜି ହୋଇନଥିଲେ। ତେବେ ଫେରାର ବୋହୂ ଅଢେଇ ଲକ୍ଷ ଟଙ୍କାର ସୁନା ଅଳଙ୍କାର ଓ ୭୦ ହଜାର ଟଙ୍କା ନେଇ ପଳାଇଥିବା ଅଭିଯୋଗ କରିଛନ୍ତି ସମୀର।