ଚତୁର୍ଥ ଦିନରେ ପୌରାଧ୍ୟକ୍ଷ ଓ ମେୟର ପଦ ପାଇଁ ୩୭ଟି ନାମାଙ୍କନ ଦାଖଲ

ଭୁବନେଶ୍ୱର:  ନିର୍ବାଚନ ପାଇଁ ନାମାଙ୍କନ ଦାଖଲର ଶନିବାର ରହିଥିଲା ଚତୁର୍ଥ ଦିନ । ସାରା ଓଡ଼ଶାରୁ ପୌରାଧ୍ୟକ୍ଷ ଓ ମେୟର ପଦ ପାଇଁ ୩୭ଟି ଏବଂ କାଉନସିଲର ଓ କର୍ପୋରେଟର ପାଇଁ ୨୭୫ଟି ନାମାଙ୍କନ ପତ୍ର ଦାଖଲ ହୋଇଛି । ସାମୁହିକ ଭାବେ ୭୧୩ଟି କର୍ପୋରେଟର ଓ ମେୟର ପଦ ପାଇଁ ୨୩ଟି ଫର୍ମ ବିକ୍ରି ସରିଥିବା ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।

ସେପଟେ ମେୟର ପଦବୀ ପାଇଁ ମଧ୍ୟ କମ୍ପୁଛି ମହାନଗର ନିଗମ  । ଏହାରି ଭିତରେ ବିଏମସି ମେୟର ପାଇଁ ପଡିଛି ପ୍ରଥମ ନାମାଙ୍କନ । କର୍ପୋରେଟର ପଦ ପାଇଁ ୧୩୨ ଏବଂ ମେୟର ପଦ ପାଇଁ ୮ଟି ଫର୍ମ ବିକ୍ରି ହୋଇଥିବା ବେଳେ ୨୦ଜଣ କର୍ପୋରେଟର ଏବଂ ଜଣେ ମେୟର ପଦ ପାଇଁ ନାମାଙ୍କନ ଭରିଛନ୍ତି । ତିନି ପ୍ରମୁଖ ଦଳର ପ୍ରାର୍ଥୀ ପ୍ରାର୍ଥିପତ୍ର ଦାଖଲ କରିନଥିବାବେଳେ ଶନିବାର ବିଜେଡ଼ି ଏବଂ ବିଜେପି ନିଜ ନିଜର ପ୍ରାର୍ଥୀଙ୍କ ନାମ ଘୋଷଣା କରିଛି  ।