ଭୁବନେଶ୍ୱର: ‘ଓଡ଼ିଶା ମୋ ପରିବାର’ ଉଦ୍ୟମରେ ଦିଲ୍ଲୀରୁ ଜଣେ ଓଡ଼ିଆଙ୍କ ପାର୍ଥିବ ଶରୀରର ପୈତୃକ ଗ୍ରାମରେ ଆସି ପହଞ୍ଚିଛି । ଜଗତସିଂହପୁର ଜିଲ୍ଲା ମୁକୁନ୍ଦପୁର ଗ୍ରାମର ସୂର୍ଯ୍ୟକାନ୍ତ ସ୍ୱାଇଁ ହୃଦରୋଗ ରେ ପୀଡ଼ିତ ହୋଇ ଦିଲ୍ଲୀ ଏମ୍ସରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ହେଲେ ଗତକାଲି ତାଙ୍କର ଦେହାନ୍ତ ହୋଇଥିଲା । ତାଙ୍କ ପାର୍ଥିବ ଶରୀରକୁ ଓଡ଼ିଶା ଫେରାଇ ଆଣିବା ଲାଗି ପରିବାର ପକ୍ଷରେ ସମ୍ଭବପର ନଥିଲା ।
ଏନେଇ ସ୍ୱର୍ଗତ ସ୍ୱାଇଁଙ୍କ ଭାଇ ଦିଲ୍ଲୀ ସ୍ଥିତ ଓଡିଆ ମହାମଞ୍ଚର ମୁଖ୍ୟ ଗୋବର୍ଦ୍ଧନ ଧଳଙ୍କୁ ଜଣାଇଥିଲେ । ଏହାପରେ ମନୋଜ ନାୟକ ଓ ଓଡ଼ିଶା ମୋ ପରିବାରର ମିଳିତ ଉଦ୍ୟମରେ ତାଙ୍କ ପାର୍ଥିବ ଶରୀରକୁ ତାଙ୍କ ନିଜ ଗ୍ରାମକୁ ଅଣାଯିବା ଲାଗି ଉଦ୍ୟମ କରାଯାଇଥିଲା ।
ଆଜି ଦିନ ୧୧ଟା ସମୟରେ ଭୁବନେଶ୍ୱର ବିମାନ ବନ୍ଦରରେ ପାର୍ଥିବ ଶରୀର ପହଞ୍ଚିବା ପରେ ‘ଓଡ଼ିଶା ମୋ ପରିବାର’ର ଆବାହକ ଅରୂପ ପଟ୍ଟନାୟକ ପହଞ୍ଚି ପାର୍ଥିବ ଶରୀରରେ ପୁଷ୍ପ ଗୁଚ୍ଛ ଦେଇ ସମ୍ମାନ ଜଣାଇଥିଲେ । ଏହା ପରେ ପାର୍ଥିବ ଶରୀରକୁ ତାଙ୍କ ଜନ୍ମମାଟିକୁ ପଠାଯାଇଛି।
ଏହି ଅବସରରେ ଅରୂପ କହିଛନ୍ତି ଯେ, ଏଭଳି ଏକ ଦୁଃଖଦ ଖବର ଆମକୁ ମିଳିବା ପରେ ଓଡିଶାମୋ ପରିବାର ତରଫରୁ ପାର୍ଥିବ ଶରୀରକୁ ଫରାଇ ଆଣିବା ଲାଗି ସେମାନଙ୍କ ସହ ଆଲୋଚନା କରାଯାଇଥିଲା ।
