ଦୁର୍ଘଟଣାରେ ମୃତ ଓଡ଼ିଆ ଶ୍ରମିକଙ୍କ ମରଶରୀରକୁ ଫେରାଇ ଆଣିଲା ‘ଓଡ଼ିଶା ମୋ ପରିବାର’
ଭୁବନେଶ୍ୱର: ସହାୟତାର ହାତ ବଢ଼ାଇଲା ଓଡିଶା ମୋ ପରିବାର । ଗୁରୁଗ୍ରାମରେ ଓଡ଼ିଆ ଶ୍ରମିକଙ୍କ ଦୁର୍ଘଟଣାରେ ମୃତ୍ୟୁ ହୋଇଥିଲା । ମୃତ ଶ୍ରମିକ କେନ୍ଦ୍ରାପଡାର ପ୍ରମୋଦ ପରିଡ଼ା । ଅର୍ଥ ଅଭାବରୁ ପ୍ରମୋଦଙ୍କ ମର ଶରୀର ଗାଁକୁ ଆଣିବାକୁ ସମସ୍ୟା ହେଉଥିଲା । ଏହା ଜାଣି ପ୍ରମୋଦଙ୍କ ମର ଶରୀର ନିଜ ଜନ୍ମ ମାଟିକୁ ଫେରାଇ ଆଣିବା ଲାଗି ନିର୍ଦ୍ଦେଶ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହା ପରେ ଓଡ଼ିଶାକୁ ମର ଶରୀର ଫେରାଇ ଆଣିବା ଲାଗି ବ୍ୟବସ୍ଥା କରିଥିଲା ‘ଓଡିଶା ମୋ ପରିବାର’ । ସ୍ୱତନ୍ତ୍ର ବିମାନ ଯୋଗେ ଓଡିଶାରେ ପହଞ୍ଚିଛି ପ୍ରମୋଦଙ୍କ ମର ଶରୀର । ମୋ ପରିବାର ଆବାହକ ଅରୁପ ପଟ୍ଟନାୟକଙ୍କ ଉପସ୍ଥିତରେ ପାରିବାର ଲୋକଙ୍କୁ ହସ୍ତାନ୍ତର ହୋଇଛି ପ୍ରମୋଦଙ୍କ ମୃତଦେହ । ‘ମୋ ପରିବାର’ ପକ୍ଷରୁ ଏକ ଆମ୍ବୁଲାନ୍ସ ବ୍ୟବସ୍ଥା କରାଯାଇ ପ୍ରମୋଦଙ୍କ ପ୍ରାର୍ଥିବ ଶରୀର ତାଙ୍କ ପୈତୃକ ଗାଁକୁ ପଠାଯାଇଛି । ସହାୟତା ଲାଗି ପ୍ରମୋଦଙ୍କ ପରିବାର ଲୋକ ମୁଖ୍ୟମନ୍ତ୍ରୀ ଓ ଓଡ଼ିଶା ମୋ ପରିବାରକୁ ଧନ୍ୟବାଦ ଜଣାଇଛନ୍ତି ।
ଗାଙ୍ଗୁଲି, କୋହଲି ଓ ତମନ୍ନାଙ୍କ ପାଇଁ ଅଡୁଆ: ନୋଟିସ ଜାରି କଲା ମାଡ୍ରାସ ହାଇକୋର୍ଟ
