ମେଡିକାଲ୍ ପାଠ୍ୟକ୍ରମ ନେଇ ସିଟ୍ ସଂଖ୍ୟା ୧୪୫୦କୁ ବୃଦ୍ଧି

ଭୁବନେଶ୍ୱର: ଚଳିତ ବର୍ଷ ରାଜ୍ୟରେ ବଢ଼ିଛି ମେଡିକାଲ ସିଟ୍ ସଂଖ୍ୟା । ୧୩୫୦ରୁ ବୃଦ୍ଧି ପାଇ ୧୪୫୦ ହୋଇଛି ମେଡିକାଲ ସିଟ୍ ସଂଖ୍ୟା । ପ୍ରଥମ ଥର ପାଇଁ ପୁରୀ ଶ୍ରୀଜଗନ୍ନାଥ ମେଡିକାଲ କଲେଜ ପାଇଁ ୧୦୦ ସିଟରେ ଛାତ୍ରଛାତ୍ରୀଙ୍କ ଆଡମିଶନ ହେବ । ଆଜି ଠାରୁ ରାଜ୍ୟରେ ମେଡିକାଲ କାଉନସେଲିଂ ଆରମ୍ଭ ହୋଇଛି । ୧୮ ତାରିଖ ପର୍ଯ୍ୟନ୍ତ ଚାଲିବ କାଉନସେଲିଂ ।

ପିଲାଙ୍କ ସୁବିଧା ପାଇଁ ୧୯ ତାରିଖ ପର୍ଯ୍ୟନ୍ତ ସମୟ ସୀମା ବୃଦ୍ଧି ହୋଇଛି । ଅନଲାଇନରେ ଆବେଦନ ସହ ଡକ୍ୟୁମେଣ୍ଟ ଯାଞ୍ଚ ଓ ଫି’ ଦାଖଲ ହେବ । ପ୍ରଥମ ଥର ପାଇଁ ଚଳିତ ବର୍ଷ ପ୍ରୋଭିଜନାଲ ଲିଷ୍ଟ ପ୍ରକାଶ ପାଇବ । ୨୪ ତାରିଖରେ ପ୍ରକାଶ ପାଇବ ପ୍ରୋଭିଜନାଲ ଲିଷ୍ଟ । ଆପତ୍ତି ଅଭିଯୋଗ ପାଇଁ ୨୫ ଓ ୨୬ ଦୁଇ ଦିନର ସମୟ ଦିଆଯାଇଛି । ସେହିପରି ୨୭ ତାରିଖରେ ଚୂଡ଼ାନ୍ତ ତାଲିକା ପ୍ରକାଶ ପାଇବ ବୋଲି ସୂଚନା ଦେଇଛନ୍ତି ଓଜେଇଇ ଅଧ୍ୟକ୍ଷ ସୁଦୀପ ଚାନ୍ଦ ।

ଏଥିସହିତ ପଢ଼ନ୍ତୁ: ଓମିକ୍ରନ୍ ହେଲେ ସାରା ଜୀବନ ପାଇଁ କରୋନାରୁ ମିଳିବ ମୁକ୍ତି !

Leave a Reply

Your email address will not be published.