ରାଜ୍ୟରେ ମେ’ ପହିଲାରୁ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ ଟିକା ଦିଆଯିବ ନା ନାହିଁ ?

ଭୁବନେଶ୍ୱର: ଆଜି ଆସିବ କୋଭିସିଲ୍ଡ ଟିକା । ଅପରାହ୍ଣ ୨ଟା ୩୦ରେ ୯୦ ହଜାର କୋଭିସିଲ୍ଡ ଟିକା ଆସି ପହଞ୍ଚିବ । ୫୪ ହଜାର କୋଭିସିଲ୍ଡ ଟିକା ଏବେ ମହଜୁଦ୍ ଅଛି । ୩.୫ କୋଭାକ୍ସିନ ଅଛି । ପୂର୍ବଭଳି ୪୫ ବର୍ଷରୁ ଅଧିକ ଲୋକଙ୍କ ଟିକାକରଣ ଚାଲିଛି । ଗତକାଲି  ୬୧୭ଟି ସେସନ୍ ସାଇଟରେ ୬୫ ହଜାର ୭୬୬ ଜଣଙ୍କୁ ଟିକା ଦିଆଯାଇଛି । ଆଜି ଯାଏ ସମୁଦାୟ ୫୭ ଲକ୍ଷ ୪ ହଜାର ୯୧୬ ଜଣଙ୍କୁ ଟିକା ଦିଆଯାଇଛି । ଆଜି ଯାଜପୁର, କେନ୍ଦୁଝରରେ ବନ୍ଦ ରହିଛି ଟିକାକରଣ । ଆଜି ୪୬୪ ସେସନ୍ ସାଇଟରେ ଟିକାକରଣ ଚାଲିଛି ।

କେନ୍ଦ୍ର ଦେଉଥିବା ଟିକାରେ ୪୫ ବର୍ଷରୁ ଅଧିକଙ୍କ ପାଇଁ । ସେଥିରେ ୧୮ରୁ ୪୪ ବର୍ଷ ଯାଏ ଦିଆ ଯାଇପାରିବ ନାହିଁ । ସେଥିପାଇଁ ଆମେ କମ୍ପାନୀମାନଙ୍କୁ ଚିଠି ଲେଖିଛୁ । ରାଜ୍ୟ ସରକାର ଯୋଗାଯୋଗରେ ଅଛନ୍ତି । ଏ ଯାଏ ପୋର୍ଟାଲରେ କାମ ଚାଲିଛି । ଟିକା ନ ଆସିବା ଯାଏ କହି ହେବନି ଯେ ମେ ପହିଲାରୁ ୧୮ରୁ ୪୪ ବର୍ଷ ଯାଏ ଟିକାକରଣ ହେବେ ନା ନାହିଁ ।

ସନ୍ଧ୍ୟା ସୁଦ୍ଧା କାମ ସରିଲେ ୧୮ରୁ ୪୪ ବର୍ଷ ପଞ୍ଜିକରଣ ଆରମ୍ଭ ହେବ । ହେଲେ ନିର୍ଦ୍ଦିଷ୍ଟ ସମୟ କହି ହେବନି । ଟିକା ମିଳିବା ଉପରେ ପ୍ଲାନିଂ ନିର୍ଭର କରେ । ଭିତ୍ତିଭୂମି ପ୍ରସ୍ତୁତ ଅଛି । ଟିକା ଆସିବା ମାତ୍ରେ କାର୍ଯ୍ୟକାରୀ କରାଯିବ । ସେସନ୍ ସାଇଟ୍ ବଢ଼ାଯିବ । ହେଲେ ଏବେ ବୃଦ୍ଧିର ଆବଶ୍ୟକତା ପଡ଼ିନି ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।