କୋଭିଡ୍ ଆକ୍ରାନ୍ତଙ୍କ ପାଇଁ ତୋସିଲିଜୁମାବ ଓ ଅନ୍ୟ ନୂଆ ଔଷଧ ନେଇ ଆସିଲା ଏସଓପି

ଭୁବନେଶ୍ୱର: କରୋନା ରୋଗୀଙ୍କ ଚିକିତ୍ସା କ୍ଷେତ୍ରରେ ତୋସିଲିଜୁମାବ (Tocilizumab) ଏବଂ ଅନ୍ୟ ନୂଆ ଔଷଧର ଆବଶ୍ୟକତା ଓ ବ୍ୟବହାର ନେଇ ସ୍ୱାସ୍ଥ୍ୟ ବିଭାଗ ଏସଓପି ଜାରି କରିଛି । ଏଥିପାଇଁ ରାଜ୍ୟ ସ୍ୱାସ୍ଥ୍ୟ ବିଭାଗ ଏକ କମିଟି ଗଠନ କରିଛି । ଡାକ୍ତରଙ୍କ ପ୍ରେସକ୍ରିପସନ୍ କ୍ରମେ ଏହି କମିଟି ତୋସିଲିଜୁମାବର ବ୍ୟବହାର ନେଇ ନିଷ୍ପତ୍ତି ନେବ ।

ଭେଣ୍ଟିଲେଟରରେ ଥିବା ରୋଗୀଙ୍କୁ ଦିଆଯାଇପାରିବ ତୋସିଲିଜୁମାବ ଇଞ୍ଜେକ୍ସନ । ଅକ୍ସିଜେନ ଆବଶ୍ୟକତାକୁ କରୁଥିବା ରୋଗୀଙ୍କୁ ଏହା ଦିଆଯାଇ ପାରିବ । ଇଞ୍ଜେକ୍ସନ୍ ଦେବା ପୂର୍ବରୁ ରୋଗୀଙ୍କୁ ତଦାରଖ କରାଯିବା ଆବଶ୍ୟକ । ଏନେଇ DCGI ମଧ୍ୟ ଅନୁମତି ଦେଇଛନ୍ତି ।

ଡ୍ରଗ୍ସର ବ୍ୟବହାର ନେଇ DCGI ସ୍ପଷ୍ଟ ଗାଇଡଲାଇନ ଜାରି କରିନି । ନୂଆ ଡ୍ରଗ୍ସ ପର୍ଯ୍ୟାପ୍ତ ପରିମାଣରେ ମିଳୁନି । ତୋସିଲିଜୁମାବର ବ୍ୟବହାର ନେଇ ଅତିରିକ୍ତ ମୁଖ୍ୟ ଶାସନ ସଚିହ ପ୍ରଦୀପ୍ତ ମହାପାତ୍ର ଚିଠି ଲେଖିଛନ୍ତି । ସମସ୍ତ ଜିଲ୍ଲାପାଳ, CDM, PHOs, AIIMS ନିର୍ଦ୍ଦେଶକ, ଆଇଜିଏଚ୍, କ୍ୟାପିଟାଲ ହସ୍ପିଟାଲଙ୍କୁ ଚିଠି ଲେଖିଛନ୍ତି ।