ସହରାଞ୍ଚଳ ଲୋକଙ୍କୁ ସୁବ୍ୟବସ୍ଥା ଉପଲବ୍ଧ କରିବାରେ ଓଡ଼ିଶା ଏକ ନମ୍ବର

ଭୁବନେଶ୍ବର: ପ୍ରକାଶ ପାଇଲା ଦେଶର ସହରାଞ୍ଚଳ ଶାସନ ରାଙ୍କିଙ୍ଗ୍ ତାଲିକା । ସହରାଞ୍ଚଳରେ ବସବାସ କରୁଥିବା ନାଗରିକଙ୍କୁ ସଶକ୍ତ ଓ ସୁବ୍ୟବସ୍ଥା ଉପଲବ୍ଧ କରିବାରେ ଓଡ଼ିଶା ଏକ ନମ୍ବର ସ୍ଥାନ ପାଇଛି । ସର୍ବାଧିକ ୨୪ ପଏଣ୍ଟ ସହ ଓଡ଼ିଶା ଏହି ତାଲିକାର ପ୍ରଥମ ସ୍ଥାନରେ ରହିଛି । ଓଡ଼ିଶା ପଛକୁ ରହିଛି ତେଲଙ୍ଗାନା । ୧୯ ପଏଣ୍ଟ ସହ ତେଲଙ୍ଗାନା ଦ୍ଵିତୀୟ ସ୍ଥାନରେ ରହିଛି

ସେହିପରି ୧୭ ପଏଣ୍ଟ ସହ ମଧ୍ୟପ୍ରଦେଶ ତୃତୀୟ ସ୍ଥାନରେ ରହିଛି । ହରିୟାଣା ୪ ନମ୍ବର ଏବଂ ଗୁଜରାଟ ୫ ନମ୍ବର ସ୍ଥାନରେ ରହିଛି । ପୂର୍ବରୁ ବିଜେଡି ସରକାର ସମୟରେ ସହରାଞ୍ଚଳ ବିକାଶ ସହ ଶାସନ ବ୍ୟବସ୍ଥାକୁ ସୁଦୃଢ କରିବା ଦିଗରେ ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗୁରୁତ୍ଵପୂର୍ଣ୍ଣ ଭୂମିକା ରହିଛି । ଯାହାର ପ୍ରମାଣ ହେଉଛି ସହରାଞ୍ଚଳ ଶାସନ ବ୍ୟବସ୍ଥାରେ ନାଗରିକଙ୍କୁ ସଶକ୍ତ କରିବା କ୍ଷେତ୍ରରେ ଓଡ଼ିଶା ପ୍ରଥମ ସ୍ଥାନ ହାସଲ କରିବା । ରାଜ୍ୟର ସହରାଞ୍ଚଳ ବିକାଶ, ସୁଶାସନ ଓ ନାଗରିକଙ୍କୁ ସଶକ୍ତ, ସୁବିଧା ସୁଯୋଗ ଯୋଗାଇବାର ସମସ୍ତ ଶ୍ରେୟ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଯାଇଛି । ପ୍ରଜା ଫାଉଣ୍ଡେସନ ପକ୍ଷରୁ ଏହି ତାଲିକା ପ୍ରକାଶ ପାଇଛି ।