କୋଭିଡ ଟେଷ୍ଟିଂରେ ଆଗୁଆ ରହିଛି ଓଡ଼ିଶା: ସ୍ୱାସ୍ଥ୍ୟମନ୍ତ୍ରୀ

ଭୁବନେଶ୍ୱର: କୋଭିଡ ଟେଷ୍ଟିଂରେ ଆଗୁଆ ରହିଛି ଓଡ଼ିଶା। ଏସସିବିରେ ହେବ ଜିନମ ସିକ୍ୱେନ୍ସିଂ। ସମ୍ଭାବ୍ୟ କରୋନା ଲହର ମୁକାବିଲା ପାଇଁ ସବୁ ମେଡିକାଲ କଲେଜ ଓ ହସ୍ପିଟାଲକୁ ପ୍ରସ୍ତୁତ ରହିବାକୁ କୁହାଯାଇଥିବା ସ୍ୱାସ୍ଥ୍ୟମନ୍ତ୍ରୀ ନବକିଶୋର ଦାସ କହିଛନ୍ତି। କୋଭିଡ ମୁକାବିଲା ପାଇଁ ସ୍ୱାସ୍ଥ୍ୟ ବିଭାଗ ପ୍ରସ୍ତୁତ ରହିଛି। କୋଭିଡ ସ୍ଥିତି ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ନଜର ରଖିଛନ୍ତି। ହକି ବିଶ୍ୱକପ ଥିବାରୁ ସଂକ୍ରମଣ ନବ୍ୟାପିବା ପାଇଁ ସରକାର ସତର୍କ ରହିଛନ୍ତି। ମାସ୍କ ଓ ସାମାଜିକ ଦୂରତା ବଜାୟ ରଖିବାକୁ ପରାମର୍ଶ ଦିଆଯାଇଛି । ଥଣ୍ଡା ଓ ଛିଙ୍କ ହେଲେ ଡାକ୍ତରଙ୍କ ପରାମର୍ଶରେ ଔଷଧ ସେବନ କରନ୍ତୁ । ଅଧିକ ଟିକାକରଣକୁ ବ୍ୟାପକ କରିବା ପାଇଁ ଭ୍ୟାକସିନ ପାଇଁ କେନ୍ଦ୍ରକୁ ଚିଠି ଲେଖାଯିବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ।