ଲକଡାଉନ ଭିତରେ ଆସିଲା UG ଓ PG ପରୀକ୍ଷା ତାରିଖ
1 min read
ଭୁବନେଶ୍ୱର: ବିଶ୍ୱବିଦ୍ୟାଳୟ ସହ କଲେଜ ଖୋଲିବା ସହ ଉଚ୍ଚଶିକ୍ଷା ବିଭାଗ ବିଜ୍ଞପ୍ତି ଜାରି କରିଛି ପରୀକ୍ଷା ବିଜ୍ଞପ୍ତି । ଯୁକ୍ତ ୩ ଶେଷ ବର୍ଷ ଓ ପିଜି ଶେଷ ବର୍ଷ ପରୀକ୍ଷା ପାଇଁ ବିଜ୍ଞପ୍ତି ପ୍ରକାଶ ହୋଇଛି । ଉଚ୍ଚଶିକ୍ଷା ବିଭାଗ ଅଧିନରେ ଆସୁଥିବା ସମସ୍ତ ବିଶ୍ୱବିଦ୍ୟାଳୟ, ସ୍ୱୟଂଶାସିତ କଲେଜରେ ବିଜ୍ଞପ୍ତି ଅନୁଯାୟୀ ପରୀକ୍ଷା ହେବ ।
+୩ ଶେଷ ବର୍ଷ ପରୀକ୍ଷା ବା ଷଷ୍ଠ ସେମିଷ୍ଟାର ଜୁଲାଇ ୨୪ ତାରିଖ ସୁଦ୍ଧା ସରିବ । ରେଜଲ୍ଟ ଅଗଷ୍ଟ ୩୧ ସୁଦ୍ଧା ପ୍ରକାଶ ପାଇବ । ସେହିପରି ପିଜି ଦ୍ୱିତୀୟ ବର୍ଷ ପରୀକ୍ଷା ବା ଚତୁର୍ଥ ସେମିଷ୍ଟାର ଅଗଷ୍ଟ ୨୦ ସୁଦ୍ଧା ସରିବ । ରେଜଲ୍ଟ ସେପ୍ଟେମ୍ବର ୨୦ ସୁଦ୍ଧା ପ୍ରକାଶ ପାଇବ । ପରୀକ୍ଷା ସୂଚୀ ବିସ୍ତୃତ ଭାବେ ବିଶ୍ୱବିଦ୍ୟାଳୟ ଓ ସ୍ୱୟଂଶାସିତ କଲେଜ ପ୍ରକାଶ କରିବେ ।
ତେବେ, ବ୍ୟାକ ପେପର ପରୀକ୍ଷା ନେଇ କୌଣସି ନିଷ୍ପତ୍ତି ନିଆଯାଇନାହିଁ । ପରୀକ୍ଷା ବେଳେ କୋଭିଡ୍-୧୯ ସଂକ୍ରମଣ ରୋକିବାକୁ ସମସ୍ତ ପଦକ୍ଷେପ ନିଆଯିବ । ସାମାଜିକ ଦୂରତ୍ୱ ରକ୍ଷା ସହ ହାତ ସଫା, ମାସ୍କ ବ୍ୟବହାରକୁ , ବାଧ୍ୟତାମୂଳକ କରାଯାଇଛି । ପ୍ରାକ୍ଟିକାଲ ପରୀକ୍ଷାରେ ଭିଡ଼ ନିୟନ୍ତ୍ରଣ ଉପରେ ଗୁରୁତ୍ୱ ଦିଆଯାଇଛି ।
ପରୀକ୍ଷାର ଯଥେଷ୍ଟ ପୂର୍ବରୁ ଛାତ୍ରଛାତ୍ରୀମାନଙ୍କୁ ଅବଗତ କରାଯିବ । ତା ପୂର୍ବରୁ ଶ୍ରେଣୀକକ୍ଷ ଓ ଲାବ୍ରୋଟୋରୀଗୁଡ଼ିକୁ ସଂକ୍ରମଣମୁକ୍ତ କରାଯିବ । ପରବର୍ତ୍ତୀ ସମୟରେ ଯୁକ୍ତ ୩ ଓ ପିଜି ବ୍ୟାକ୍ ପେପର ପରୀକ୍ଷା ତାରିଖ ସ୍ଥିର କରାଯିବ ବୋଲି ବିଜ୍ଞପ୍ତିରେ କୁହାଯାଇଛି ।
