ଆଜିଠୁ ପୁଣି ଉପରମୁହାଁ ପାରଦ , ୪୦ ଡିଗ୍ରୀ ଉପରେ ରହିବ ଅଧିକାଂଶ ସହର

ଭୁବନେଶ୍ୱର : ଆଜିଠୁ ପୁଣି ଉପରମୁହାଁ ପାରଦ। ଅଧିକାଂଶ ଜିଲ୍ଲାରେ ପୁଣି ବଢ଼ିବ ତାତି। କାଳବୈଶାଖୀର ପ୍ରଭାବ ଥିଲେ ମଧ୍ୟ ୪୦ ଡିଗ୍ରୀ ଉପରେ ରହିବ ଅଧିକାଂଶ ସହରର ତାପମାତ୍ରା। ପ୍ରବଳ ଗ୍ରୀଷ୍ମ ପ୍ରବାହ ସହିତ ଉଷ୍ମ ଏବଂ ଆର୍ଦ୍ର ପାଣିପାଗ ନେଇ ୯ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି। ଏହି ଜିଲ୍ଲା ଗୁଡିକ ହେଲା ବାଲେଶ୍ବର, ଭଦ୍ରକ, ମୟୂରଭଞ୍ଜ, କେନ୍ଦୁଝର, ଢେଙ୍କାନାଳ, ଯାଜପୁର, କଟକ, କେନ୍ଦ୍ରାପଡ଼ା ଓ ଜଗତସିଂହପୁର। ଏହି ସବୁ ଜିଲ୍ଲାରେ ଅସହ୍ୟ ସ୍ଥିତି ଉପୁଜିବ।

ଆସନ୍ତାକାଲି ଓ ୨୫ ତାରିଖରେ ମଧ୍ୟ ଏହି ସବୁ ଜିଲ୍ଲାରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିବ। ୨୬ ତାରିଖରୁ ବିଭିନ୍ନ ଜିଲ୍ଲାରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ନେଇ ୧୪ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଛି। ସେପଟେ ଆଜି ମଧ୍ୟ ଦକ୍ଷିଣ ଓଡ଼ିଶାର ବିଭିନ୍ନ ଜିଲ୍ଲାରେ ବିଜୁଳି ଓ ଘଡଘଡ଼ି ସହ ବର୍ଷା ସତର୍କତା ଜାରି କରାଯାଇଛି।