‘ରାଜ୍ୟରେ କରୋନା ଟେଷ୍ଟିଂ କିଟ୍ ଆବଶ୍ୟକ ପରିମାଣର ଅଛି’

ଭୁବନେଶ୍ୱର: ମହାମାରୀ କରୋନା ମୁକାବିଲା ପାଇଁ ରାଜ୍ୟ ସରକାର ନେଇଥିବା ପଦକ୍ଷେପ ବିଷୟରେ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ । ଅନ୍ୟରାଜ୍ୟ ଅପେକ୍ଷା ଓଡ଼ିଶାରେ ସ୍ୱତନ୍ତ୍ର କୋଭିଡ୍ ହସ୍ପିଟାଲ ସଂଖ୍ୟା ଅଧିକ । ଆମେ ପ୍ରାୟ ୬ ହଜାର ବେଡ୍ କୋଭିଡ୍ ହସ୍ପିଟାଲ ପାଇଁ ନିଷ୍ପତ୍ତି ନେଇଛୁ । ସେଥିରୁ ୭ଟି ହସ୍ପିଟାଲ କାର୍ଯ୍ୟକ୍ଷମ ହୋଇଛି । ଏଥିରେ ୧୫୦୦ ବେଡ୍ ରହିଛି ।

https://www.facebook.com/nandighoshatv/videos/675505243208876

ରାଜ୍ୟରେ କରୋନା ଟେଷ୍ଟିଂ କିଟ୍ ଆବଶ୍ୟକ ପରିମାଣର ଅଛି । ଭାରତରୁ ଓ ଭାରତ ବାହାରୁ ଆମଦାନୀ କରୁଛୁ । ଅନ୍ୟ ଉପକରଣ ସର୍ଜିକାଲ ମାସ୍କ, ମେଡିସିନ୍ ମଧ୍ୟ ଆମ ପାଖରେ ୪ରୁ ୮ ମାସ ପାଇଁ ମଦଜୁଦ୍ ରହିଛି । ମାସକ ପାଇଁ ପିପିଇ ମହଜୁଦ୍ ରହିଛି । ଭାରତ ଓ ଭାରତ ବାହାରୁ ଆମଦାନୀ ଜାରି ରଖିଛୁ । ମ୍ୟାନ ପାୱାର ମ୍ୟାନେଜମେଣ୍ଟ ପାଇଁ ଆୟୁଷ ଡାକ୍ତରଙ୍କୁ ଟ୍ରେନିଂ, ଏମବିବିଏସର ଚତୁର୍ଥ ଓ ପଞ୍ଚମ ବର୍ଷ ଛାତ୍ରଛାତ୍ରୀଙ୍କୁ ଟ୍ରେନିଂ ଦିଆଯାଇଛି । ଘରୋଇ ଡାକ୍ତରମାନଙ୍କୁ ମଧ୍ୟ ଟ୍ରେନିଂ ଦେବା ଆରମ୍ଭ ହୋଇଛି ।

https://www.facebook.com/nandighoshatv/videos/690869288354106

ଜିଲ୍ଲାପାଳ ଓ ମ୍ୟୁନିସିପାଲିଟିକୁ କ୍ଷମତା ଦେଇଛୁ । ସେମାନେ ଆବଶ୍ୟକ ସମୟରେ ଘରୋଇ ଡାକ୍ତରଙ୍କୁ ନିୟୋଜିତ କରିପାରିବେ । ଆଣ୍ଟି ବଡି ବେସଡ୍ ରାପିଡ୍ ଡାଇଗ୍ନୋଷ୍ଟିକ ଟେଷ୍ଟ ପାଇଁ ୧ ଲକ୍ଷ କିଟ୍ କିଣାଯିବ । ଏହାଦ୍ୱାରା ଶୀଘ୍ର ଟେଷ୍ଟ ହୋଇପାରିବ । କେରଳ ଓ ଦିଲ୍ଲୀରେ ଏବେ ଆଣ୍ଟି ବଡି ବେସଡ୍ ରାପିଡ୍ ଡାଇଗ୍ନୋଷ୍ଟିକ ଟେଷ୍ଟ ଚାଲିଛି । ହସ୍ପିଟାଲ ଗୁଡ଼ିକରେ ଆହାର କେନ୍ଦ୍ର ଜାରି ରହିଛି । ଦୈନିକ ୩୦ ହଜାର ଲୋକ ଏହାର ସୁବିଧା ନେଉଛନ୍ତି ।