ସ୍ଥିର ସରକାର ଯୋଗୁଁ ଓଡ଼ିଶାରେ ପ୍ରଗତି ହୋଇଛି 

ଭୁବନେଶ୍ବର: ଜାତି ନନ୍ଦିଘୋଷ କ୍କ୍ଲେଭର ଦ୍ବିତୀୟ ଅଧିବେଶନରେ ‘ମୋ ସ୍ବପ୍ନର ଓଡ଼ିଶା ୨୦୩୬’ ଉପରେ ଆଲୋକପାତ କରିଥିଲେ ବକ୍ତା । ଅତୀତର ଓଡ଼ିଶା ଓ ବର୍ତ୍ତମାନର ଓଡ଼ିଶା ମଧ୍ୟରେ ରହିଛି ଫରକ । ଆସିଛି ବୈପ୍ଳବିକ ପରିବର୍ତ୍ତନ । ସାମାଜିକ, ଅର୍ଥନୈତିକ କ୍ଷେତ୍ରରେ ଅନେକ ପରିବର୍ତ୍ତନ ଆସିଛି ବୋଲି କହିଛନ୍ତି ବକ୍ତା ।

ଆଲୋଚନାରେ ଭାଗ ନେଇ ବକ୍ତା କହିଥିଲେ- ଓଡିଶାରେ ସୁନେଲି ପରିବର୍ତ୍ତନ ଆସିଛି । ଏକ ସ୍ଥିର ସରକାର ଯୋଗୁଁ ଓଡ଼ିଶାରେ ପ୍ରଗତି ହୋଇଛି । ସବୁକ୍ଷେତ୍ରରେ ବିକାଶ ଜାରି ରହିଛି । ଏହା ସତ୍ତ୍ବେ ଏହି ସବୁ କ୍ଷେତ୍ରରେ ଯଥେଷ୍ଟ ଆଗକୁ ଯିବାକୁ ପଡିବ । ଆଗାମୀ ୧୩ ବର୍ଷରେ ଓଡ଼ିଶା ଦେଶର ଏକ ଅଗ୍ରଗଣ୍ୟ ରାଜ୍ୟ ହୋଇପାରିବ ଓ ଏଥିପାଇଁ ସରକାରଙ୍କ ଉଦ୍ୟମ ଜାରି ରଖିଛନ୍ତି ବୋଲି ମତ ପ୍ରକାଶ ପାଇଛି ।

କନକ୍ଲେଭରେ ମୁଖ୍ୟ ଅତିଥିଭାବେ ଯୋଗ ଦେଇଥିଲେ ବିଶିଷ୍ଟ ସାହିତ୍ୟିକ ବିଭୂତି ପଟ୍ଟନାୟକ, ସାଂସଦ ତଥା ଅଭିନେତା ପ୍ରଶାନ୍ତ ନନ୍ଦ ଓ ବରିଷ୍ଠା ସ୍ବମ୍ବାଦିକ ପ୍ରଦୋଷ ପଟ୍ଟନାୟକ ପ୍ରମୁଖ । ବର୍ତ୍ତମାନ ବିକାଶ ପ୍ରକ୍ରିୟା ଜାରି ରହିଛି । ତଥାପି ଅଧିକ ଅଗ୍ରଗତି ଲାଗି ସାମୂହିକ ଉଦ୍ୟମ କରିବାକୁ ସେମାନେ ଆହ୍ବାନ ଦେଇଥିଲେ । ନାରୀ ଶକ୍ତି ହିଁ ଶ୍ରେଷ୍ଠ ଶକ୍ତି ବୋଲି ବକ୍ତାମାନେ କହିଥିଲେ ।