କରୋନା ଟିକାକରଣ ଦିଗରେ ଆଉ ଏକ ମାଇଲଖୁଣ୍ଟ : ଏଯାବତ୍ ରାଜ୍ୟରେ ଦିଆଗଲାଣି ସାଢ଼େ ୩କୋଟି ଡୋଜ୍

ଭୁବନେଶ୍ୱର: କରୋନା ଟିକାକରଣ କ୍ଷେତ୍ରରେ ଆଉ ଏକ ମାଇଲଖୁଣ୍ଟ ଛୁଇଁଲା ଓଡ଼ିଶା । ରାଜ୍ୟରେ ଏଯାବତ୍ ମୋଟ ସାଢ଼େ ୩କୋଟି କରୋନା ଟିକାର ଡୋଜ୍  ଦିଆଯାଇସାରିଛି   । ଏ ନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଏଥିସହିତ ଟିକାକରଣ ଦିଗରେ ସ୍ୱାସ୍ଥ୍ୟକର୍ମୀଙ୍କ ନିଷ୍ଠା ଓ ପ୍ରତିଶ୍ରୁତିବଦ୍ଧତାକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ । ରାଜ୍ୟରେ କରୋନା ସ୍ଥିତି ନିୟନ୍ତ୍ରଣାଧିନ ଥିବା ବେଳେ ପାର୍ବଣ ମାସ ଯୋଗୁଁ ସଂକ୍ରମଣ ବଢ଼ିବାର ଆଶଙ୍କା ରହିଛି । ଏଭଳି ସ୍ଥିତିରେ କରୋନା କଟକଣାର କଡ଼ା ପାଳନ ସହ ଟିକାକରଣ ବେଶ୍ ଜରୁରୀ ହୋଇପଡ଼ିଛି । ଏଭଳି ସ୍ଥିତିରେ ରାଜ୍ୟରେ ଚାଲିଥିବା ଦ୍ରୁତ ଟିକାକରଣ କରୋନା ମୁକାବିଲା ଦିଗରେ ରାଜ୍ୟକୁ ବେଶ୍ ସହାୟକ ହେବ ।

Glad to share that #Odisha has crossed yet another significant milestone in the fight against #COVID19 by administering 3.5 crore vaccine doses. Commend the hard work & commitment of our healthcare workers in ensuring a swift immunisation to save lives. #OdishaCares pic.twitter.com/IObXSoiX89

— Naveen Patnaik (@Naveen_Odisha) October 22, 2021

ସୂଚନା ଯୋଗ୍ୟ, ଗତ ୨୪ ଘଣ୍ଟା ମଧ୍ୟରେ ୫୫୬ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୧୦୩୫୯୭୩ ରେ ପହଞ୍ଚିଛି । ତେବେ ହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ୩୨୪ ଜଣ କ୍ୱାରେଣ୍ଟାଇନ୍‌ରୁ ହୋଇଥିବା ବେଳେ ୩୨୨ ଜଣ ଲୋକାଲ୍‌ କେସ୍‌ ରହିଛନ୍ତି । ସେହିପରି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ୧୮ ବର୍ଷରୁ କମ୍‌ ବୟସର ୮୭ ଜଣ ପଜିଟିଭ ରହିଛନ୍ତି।