ଭୁବନେଶ୍ୱର: କରୋନା ସଂକ୍ରମଣକୁ ଦୃଷ୍ଟିରେ ରଖି ପଛୁଆ ବର୍ଗ ସର୍ଭେ ସ୍ଥଗିତ ରଖିଛନ୍ତି ରାଜ୍ୟ ସରକାର । ମେ ୧ରୁ ୨୫ ତାରିଖ ଯାଏ ରାଜ୍ୟରେ କେତେ ପଛୁଆ ବର୍ଗ ଅଛନ୍ତି ତାର ଏକ ସର୍ଭେ ହୋଇଥାନ୍ତା । ପ୍ରଥମ ଥର ପାଇଁ ଏହି ସର୍ଭେ ରାଜ୍ୟ ସରକାର କରିବାକୁ ଯାଉଥିଲେ।
ସୂଚନା ଅନୁଯାୟୀ ଜୁନ୍ ୧୧ ତାରିଖ ସୁଦ୍ଧା ଏହି ସର୍ଭେର ରିପୋର୍ଟ ଦିଆଯାଇଥାନ୍ତା। ହେଲେ ରାଜ୍ୟରେ କରୋନାର ଦ୍ୱିତୀୟ ଲହର ସଂକ୍ରମଣ ବୃଦ୍ଧି ପାଉଥିବାରୁ କୋଭିଡ କଟକଣା ପାଇଁ ସ୍ଥଗିତ କରାଯାଇଛି ସର୍ଭେ । ତେବେ ଆଗାମୀ ଦିନରେ ସ୍ଥିତି ଦେଖି ନିଷ୍ପତ୍ତି ନିଆଯିବ । ସର୍ଭେରେ ୨୦ହଜାର ଅଙ୍ଗନବାଡି କର୍ମୀ ଓ ୭ ହଜାର ସୁପରଭାଇଜର ସାମିଲ ହେବାର ଯୋଜନା ରହିଥିଲା।
