ତିର୍ତ୍ତୋଲ-ପୋଷଲ-ଶଙ୍ଖେଶ୍ୱର ରାସ୍ତାରେ ମହାନଦୀ ଉପରେ ହେବ ଉଚ୍ଚସେତୁ…

ଜଗତସିଂହପୁର: ଜଗତସିଂହପୁର ତିର୍ତ୍ତୋଲ-ପୋଷଲ-ଶଙ୍ଖେଶ୍ୱର ରାସ୍ତାରେ ମହାନଦୀ ଉପରେ ଏକ ଉଚ୍ଚସେତୁ ନିର୍ମାଣ ହେବ । ଏଥିପାଇଁ ରାଜ୍ୟ ସରକାର ମଞ୍ଜୁରୀ ଦେଇଛନ୍ତି  । ସେତୁ ପାଇଁ ମୋଟ ବ୍ୟୟ ଅଟକଳ ୧୧୮ କୋଟି ୫୬ ଲକ୍ଷ ଟଙ୍କା ରଖାଯାଇଛି  । ସେତୁର ଲମ୍ବ ୮୮୮ ଦଶମିକ ୮୯ ମିଟର ହେବ  । ସରକାରଙ୍କ ଅନୁମୋଦନ କ୍ରମେ ଆଜି ସେତୁର ଟେଣ୍ଡର ପ୍ରକ୍ରିୟା ଆରମ୍ଭ ହୋଇଛି  ।

ସେତୁ ନିର୍ମାଣ ପାଇଁ ସ୍ଥାନୀୟ ଅଞ୍ଚଳବାସୀଙ୍କ ତରଫରୁ ଦୀର୍ଘଦିନରୁ ଦାବି ହୋଇ ଆସୁଥିଲା  । ସରକାର ଅଞ୍ଚଳବାସୀଙ୍କର ଆବଶ୍ୟକତାକୁ ଉପଲବ୍ଧି କରି ଗମନାଗମନ ଓ ଅର୍ଥନୈତିକ ବିକାଶକୁ ଦୃଷ୍ଟିରେ ରଖି ନିଷ୍ପତ୍ତି ନେଇଛନ୍ତି । ସେତୁ ନିର୍ମାଣ ହେଲେ ଅଇନ୍ତ, ଗୋପାଳପୁର, କନିମୂଳ, ବିଶନପୁର, କୃଷ୍ଣାନନ୍ଦପୁର, ପୋଷଲ, ଶଙ୍ଖେଶ୍ବର, ବିଜିପୁର, ସରଳପୁର, ତେନ୍ତୁଳିପଡ଼ାର ୫୦ ହଜାରରୁ ଅଧିକ ଲୋକ ଉପକୃତ ହେବେ ।