ପଦମପୁର ବିଜେପି ପ୍ରଚାରରେ ରାଜ୍ୟ ସରକାରଙ୍କୁ ପ୍ରଶଂସା

ପଦମପୁର: ବିଜେପି ପ୍ରଚାରରେ ରାଜ୍ୟ ସରକାରଙ୍କୁ ପ୍ରଶଂସା । କଥାଟା ଖଟକା ଲାଗୁଥିଲେ ବି ସତ । ପଦମପୁର ଉପନିର୍ବାଚନ ପାଇଁ ଏବେ ସବୁ ଦଳ ପ୍ରଚାର ଜୋରଦାର କରିଛନ୍ତି । ବିରୋଧ ଦଳ ସରକାର ବିରୋଧରେ ଭୋଟ ମାଗୁଥିବା ବେଳେ ପଦମପୁରବାସୀ କିନ୍ତୁ ସରକାରୀ ଯୋଜନାର ସଫଳତାକୁ ନେଇ ଶତମୁଖ ।

ଆଜି ବିଜେପି ପ୍ରାର୍ଥୀ ପ୍ରଦୀପ ପୁରୋହିତ ପ୍ରଚାର କରୁଥିବା ସମୟରେ ତାଙ୍କର ଜଣେ ସମର୍ଥକ ରାଜ୍ୟ ସରକାରଙ୍କ ଦାରିଦ୍ର୍ୟ ଦୂରୀକରଣ ଯୋଜନାକୁ ପ୍ରଶଂସା କରିଛନ୍ତି । ପଦମପୁରବାସୀ ସବୁ ସରକାରୀ ଯୋଜନା ଏପରିକି କାଳିଆ ସହାୟତାର ସୁଫଳ ପାଉଥିବା କହିଛନ୍ତି ଜଣେ ବିଜେପି ସମର୍ଥକ ।

ପୂର୍ବରୁ ମଧ୍ୟ ବିଜେପି ରାଲିରେ ନବୀନ ପଟ୍ଟନାୟକଙ୍କ ସ୍ଲୋଗାନ ଦେଖିବାକୁ ମିଳିଥିଲା  । ବିଜେପି ପ୍ରାର୍ଥୀ ପ୍ରଦୀପ ପୁରୋହିତ ନାମାଙ୍କନ ପତ୍ର ଦାଖଲ କରିବାକୁ ଯାଉଥିବାବେଳେ ଏମିତି ଦୃଶ୍ୟ ଦେଖିବାକୁ ମିଳିଥିଲା  ।ଯେଉଁଥିରେ ଜଣେ କର୍ମୀ ନବୀନ ପଟ୍ଟନାୟକଙ୍କ ସ୍ଲୋଗାନ ଦେଇଥିଲେ  ।