ମାନବାଧିକାର ଆୟୋଗଙ୍କୁ ରାଜ୍ୟ ସରକାରଙ୍କ ବେଖାତିର ଅଭିଯୋଗ
ନନ୍ଦିଘୋଷ ବ୍ୟୁରୋ: ଦୟା ନଦୀର ଦୂଷିତ ଜଳ ବ୍ୟବହାର କରି କଣାସ ହଇଜା ଓ ମୃତ୍ୟୁ ପ୍ରସଙ୍ଗରେ ରାଜ୍ୟ ମାନବାଧିକାର କମିଶନଙ୍କ ଶୁଣାଣି ବେଳେ ଆୟୋଗଙ୍କୁ ସରକାରଙ୍କ ଅସମ୍ମାନ ଅଭିଯୋଗ । ଏଭଳି ଏକ ସମ୍ବେଦନଶୀଳ ପ୍ରସଙ୍ଗରେ ଶୁଣାଣି ବେଳେ ସମନ ସତ୍ତ୍ୱେ ମଧ୍ୟ ଉପସ୍ଥିତ ରହିଲେ ନାହିଁ କୌଣସି ସରକାରୀ ଅଧିକାରୀ। ଯାହାକୁ ନେଇ ମୃତକଙ୍କ ପରିବାରର ସଦସ୍ୟ ତଥା ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି । ଏନେଇ ମାର୍ଚ୍ଚ ୩ ରେ ହେବ ପରବର୍ତ୍ତୀ ଶୁଣାଣି। ଏଭଳି ଏକ ସମ୍ବେଦନଶୀଳ ପ୍ରସଙ୍ଗରେ ସମନ ସତ୍ତ୍ୱେ ମଧ୍ୟ କୌଣସି ସରକାରୀ ଅଧିକାରୀ ଶୁଣାଣି ବେଳେ ଉପସ୍ଥିତ ନରହିବାକୁ ନେଇ ଆୟୋଗ କ୍ଷୋଭ ପ୍ରକାଶ କରିଥିବା ସୂଚନା ଦେଲେ ମୃତକଙ୍କ ପରିବାର ଲୋକେ । ଶାସନ କ୍ଷମତାରେ ଥିବାରୁ ଆୟୋଗଙ୍କୁ ଖାତିର ନ ଥିବା ଅଭିଯୋଗ କଲେ ଆୟୋଗଙ୍କ ନିକଟରେ ହାଜର ହୋଇଥିବା ମୃତକଙ୍କ ପରିବାର ସଦସ୍ୟ ।
ମାନବାଧୀକାର କମିଶନରେ ୨୮୧/୨୦୨୫ କେଶ ନମ୍ବରରେ କେଶ ଦାୟର ହୋଇଥିଲା। ଆଜି ତାରିଖ ଥିବାବେଳେ ଶୁଣାଣି ବେଳେ ସ୍ୱାସ୍ଥ୍ୟ ସଚିବ, ଜଳସମ୍ପଦ ସଚିବ, ପଂଚାୟତିରାଜ ସଚିବ ଓ ପ୍ରଦୂଷଣ ନିୟନ୍ତ୍ରଣ ବୋର୍ଡ ଓ ପୁରୀ ଜିଲ୍ଲାପାଳଙ୍କୁ ସମନ ହୋଇଥିଲା। କିନ୍ତୁ କେହି ଉପସ୍ଥିତି ହେଲେ ନାହିଁ। କମିଶନ ଏହାକୁ ଅତ୍ୟନ୍ତ ଗମ୍ଭୀରତାର ସହ ନେଇଛନ୍ତି। ଦୁର୍ଭାଗ୍ୟର କଥା ୭ ଜଣ ମରିବା ପରେ ବି କେହି ପ୍ରମୁଖ ଅଧିକାରୀ ଘଟଣା ସ୍ଥଳକୁ ଗଲେ ନାହିଁ କି ଏବେ କମିଶନରେ ବି ଉପସ୍ଥିତ ହେଲେ ନାହିଁ। ସେମାନଙ୍କର କେଡେ ଆସ୍ପର୍ଦ୍ଧ ବୋଲି କହିଲେ ପୂର୍ବତନ ବିଧାୟକ ରମା ରଞ୍ଜନ ବଳିୟାରସିଂ। ସରକାର ଘଟଣାକୁ ଅତି ହାଲକା ଭାବେ ଓ ବେପରୱା ଭାବେ ନେଉଛନ୍ତି। ସବକା ସାଥ ସବକା ବିକାଶ କଣ ଏୟା କି ବୋଲି ଉଠିଲା ପ୍ରଶ୍ନ। ଏହାକୁ ନେଇ ଜନ ଆନ୍ଦୋଳନ ହେବ। କମିଶନଙ୍କ ନିଷ୍ପତ୍ତିକୁ ଅପେକ୍ଷା। ତା ପରେ ନିଆଯିବ କଠୋର ନିଷ୍ପତ୍ତି। ରେଡକ୍ରସ କିମ୍ବା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଟଙ୍କାଟିଏ ମଧ୍ୟ ମିଳିଲା ନାହିଁ। ହଇଜା ବସନ୍ତ କଥା ପିଲାଦିନେ ଶୁଣିବାକୁ ମିଳୁଥିଲା।
କିନ୍ତୁ ଏବେ ଭୁବନେଶ୍ୱରର ନାକ ତଳେ ଏ କଥା ଘଟିବା ଓ ସରକାରଙ୍କ ଆଭିମୁଖ୍ୟ ଦୁର୍ଭାଗ୍ୟଜନକ।ସରକାରଙ୍କ ଦାୟିତ୍ୱହୀନତା ପାଇଁ ୭ ଟି ଜିବନ ଯାଇଛି। ଆଗକୁ ଏଭଳି ଦାୟିତ୍ବହୀନତା ଜାରି ରହିଲେ ଆହୁରି ଜୀବନ ଯାଇପାରେ ବୋଲି କହିଲେ ସ୍ଥାନୀୟ ବାସିନ୍ଦା। ସରକାର ରାଜ୍ୟରେ ଅଛନ୍ତି କିନ୍ତୁ ସାତ ଲୋକ ମଲେଣି ବହୁ ଲୋକ ଆକ୍ରାନ୍ତ କିନ୍ତୁ ନଦୀର ପାଣି ଏ ଯାଏ ବି ବିଷାକ୍ତ ଅଛି। ଏ ଯାଏ ବି ଟ୍ରିଟମେଣ୍ଟ ହେଉନି। ସରକାର ଲୋକଙ୍କ ପାଖରେ ପହଞ୍ଚିଲେନି କି ଆୟୋଗରେ ବି ପହଂଚିଲେନି। ସରକାରଙ୍କୁ ସତର୍କ କଲେ ସ୍ଥାନୀୟ ବାସିନ୍ଦା। ଆଗାମୀ ଦିନରେ ଦୁର୍ବାର ଆନ୍ଦୋଳନ ହେବ। ସରକାରଙ୍କ ଅହଂକାର ଯୋଗୁ ମୁଣ୍ଡ ପରେ ମୁଣ୍ଡ ଗଡ଼ିଥିବା ଅଭିଯୋଗ ଆଣିଲେ ମୃତକଙ୍କ ପରିବାର। ଗଙ୍ଗୁଆ ନାଳ ଯୋଗୁ ଦୟା ନଦୀ ପାଣି ଦୂଷିତ ହେଉଥିବାରୁ ଏହାର ସ୍ଥାୟୀ ପ୍ରତିକାର କରାଯିବାକୁ ହେଲା ଦାବି।
