ରାଜ୍ୟ ସରକାର ଜାରି କଲେ ଲକଡାଉନ୍ ୪.୦ ଗାଇଡଲାଇନ୍: ପଞ୍ଚାୟତସ୍ତରରେ ଜୋନ୍ ଚିହ୍ନଟ, ପବ୍ଲିକରେ ଛେପ ପକାଇଲେ ଫାଇନ୍

ଭୁବନେଶ୍ୱର: ଲକଡାଉନ୍ ୪.୦ର ଆଜି ହେଉଛି ପ୍ରଥମ ଦିନ । ଲକଡାଉନ୍ ୪.୦ରେ ରାଜ୍ୟ ସରକାରଙ୍କୁ କେନ୍ଦ୍ର ଜୋନ୍ ଚିହ୍ନଟ ଅଧିକାର ଦେଇଛି । ଏହାରି ଭିତରେ ଆଜି ଓଡ଼ିଶା ସରକାର ଲକଡାଉନ୍ ୪.୦କୁ ନେଇ ଗାଇଡଲାଇନ୍ ଜାରି କରିଛନ୍ତି । ଗାଇଡଲାଇନ୍ ସଂପର୍କରେ ସୂଚନା ଦେଇ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ ସୂଚନା ଦେଇଛନ୍ତି । ସେ କହିଛନ୍ତି ଯେ, ଚତୁର୍ଥ ପର୍ଯ୍ୟାୟ ଲକଡାଉନରେ ପଞ୍ଚାୟତ ଅନୁସାରେ ଜୋନ୍ ସ୍ଥିର ହେବ । ମାସ୍କ, ସାମାଜିକ ଦୂରତା ରକ୍ଷା ବାଧ୍ୟତାମୂଳକ । ସର୍ବସାଧାରଣ ସ୍ଥାନରେ ଛେପ ପକାଇଲେ ଜରିମାନା ଦେବାକୁ ହେବ ।

ଲକଡାଉନ୍ ୪.୦ ଗାଇଡଲାଇନ୍

ଲକଡାଉନ୍ ୪.୦ ଓଡ଼ିଶାରେ କେମିତି ଲାଗୁ ହେବ ସେସମ୍ପର୍କରେ ସୂଚନା ଦେଇ ମୁଖ୍ୟ ଶାସନ ସଚୀବ କହିଥିଲେ ଯେ, ଘରୋଇ ଓ ଅନ୍ତର୍ଜାତୀୟ ବିମାନ ଉଡ଼ାଣ ହେବନାହିଁ । କେବଳ ଏୟାର ଆମ୍ବୁଲାନ୍ସ ଯାଇପାରିବ । ସ୍କୁଲ୍, କଲେଜ ଓ କୋଚିଂ ଅନୁଷ୍ଠାନ ବନ୍ଦ ରହିବ । ଅନଲାଇନ୍ ଶିକ୍ଷା ଓ ପତ୍ର ବିନିମୟ ପାଠ୍ୟକ୍ରମକୁ ଗୁରୁତ୍ୱ ଦିଆଯିବ । ହୋଟେଲ, ରେଷ୍ଟୁରାଣ୍ଟ ସେବା ବନ୍ଦ ରହିବ । ହୋମ୍ ଡେଲିଭରୀ କରିପାରିବେ । ସିନେମା ହଲ୍, ସପିଂ ମଲ୍, ଅଡିଟୋରିୟମ୍ ବନ୍ଦ ରହିବ । ସ୍ପୋର୍ଟ୍ସ କମ୍ପ୍ଲେକ୍ସ, ଷ୍ଟାଡିୟମ ଖୋଲିବ । ଖେଳାଳିମାନେ ଅଭ୍ୟାସ କରିପାରିବେ । କିନ୍ତୁ, କୌଣସି ମ୍ୟାଚ ଖେଳାଯିବ ନାହିଁ । ସଭା, ଶୋଭାଯାତ୍ରାକୁ ଅନୁମତି ନାହିଁ । ଧାର୍ମିକ ଅନୁଷ୍ଠାନରେ ପୂଜାର୍ଚ୍ଚନା ହେବ, କିନ୍ତୁ ଲୋକଙ୍କୁ ଅନୁମତି ନାହିଁ । ଅନ୍ୟ ରାଜରୁ ପାସେଞ୍ଜର ଧରି କ୍ୟାବ ଅନୁମତି ସହ ଆସିପାରିବ । ଆନ୍ତଃରାଜ୍ୟ ବସ୍ ଚଳାଚଳ ନେଇ କୌଣସି ନିଷ୍ପତ୍ତି ନିଆଯାଇନାହିଁ । ରାଜ୍ୟ ଭିତରେ ସାମାଜିକ ଦୂରତା ରକ୍ଷା କରି ସମସ୍ତ ଗାଡ଼ି ଚାଲିପାରିବ । ଜିଲ୍ଲାପାଳ, ମ୍ୟୁନିସିପାଲ କମିଶନର ଲୋକାଲ ଅଥରିଟି ଭାବେ ରେଡ୍, ଅରେଞ୍ଜ, ଗ୍ରୀନ୍, କଣ୍ଟେନମେଣ୍ଟ ଓ ବଫର ଜୋନ୍ ଗାଇଡଲାଇନ୍ ଅନୁଯାୟୀ ସ୍ଥିର କରିବେ ।

କଣ୍ଟେନମେଣ୍ଟ ଏରିଆରେ ଜରୁରୀ ସେବାକୁ ବାଦ୍ ଦେଲେ ଅନ୍ୟ କିଛିକୁ ଅନୁମତି ନାହିଁ । କ୍ୱାରେଣ୍ଟାଇନ୍ ସେଣ୍ଟରମାନଙ୍କୁ କଣ୍ଟେନମେଣ୍ଟ ଜୋନ୍ ହିସାବରେ ନିଆଯିବ । ଲକ୍ଷଣ ନଥିବା କୋଭିଡ୍ ସେଣ୍ଟର ଓ କୋଭିଡ୍ ହସ୍ପିଟାଲ କଣ୍ଟେନମେଣ୍ଟ ଜୋନରେ ଆସିବ । ଏହା ଭିତରେ ଖାଦ୍ୟ ଓ ଔଷଧ ଛଡ଼ା ଆଉକିଛି ଅନୁମତି ନାହିଁ ।

ଲକ୍ଷାଧିକ ଓଡ଼ିଆ ଘରକୁ ଫେରିଛନ୍ତି

ଏହା ସହ ପ୍ରବାସୀ ଓଡ଼ିଶାଙ୍କୁ ରାଜ୍ୟକୁ ଫେରାଇ ଆଣିବ ପାଇଁ ରାଜ୍ୟ ସରକାର ନେଇଥିବା ପଦକ୍ଷେପ ବାବଦରେ ସୂଚନା ଦେଇ ସେ କହିଥିଲେ ଯେ,   ଏପ୍ରିଲ୍ ୨୯ ପରେ ବାହାରେ ଫସିଥିବା ଲୋକଙ୍କୁ ରାଜ୍ୟକୁ ଆଣିବାର ବ୍ୟବସ୍ଥା କରିଥିଲୁ । ଆଜି ସୁଦ୍ଧା ୧ ଲକ୍ଷ ୭୬ ହଜାର ୩୦୧ ଜଣ ଟ୍ରେନ୍, ବସ୍ ଓ ଅନ୍ୟାନ୍ୟ ମାଧ୍ୟମରେ ରାଜ୍ୟକୁ ଫେରିଛନ୍ତି । ଟ୍ରେନରେ ୮୦ ହଜାର ଲୋକ, ବସରେ ୭୨ ହଜାର ଲୋକ ଓ ଅନ୍ୟାନ୍ୟ ମାଧ୍ୟମରେ ୨୫ ଲକ୍ଷ ଆସିଛନ୍ତି । ଏ ଭିତରେ ୬୨ଟି ଟ୍ରେନ୍ ଆସିଥିବା ବେଳେ ଆଉ ୩୦ରୁ ୪୦ଟି ଟ୍ରେନ୍ ଆସିବ । ଅନ୍ୟରାଜ୍ୟରେ ଥିବା ଓଡ଼ିଆଙ୍କୁ ଆଣିବା ପାଇଁ ସେଠାକାର ପ୍ରଶାସନ ସହ ଆମେ କଥା ହେଉଛୁ  ।

୬ ଲକ୍ଷରୁ ଅଧିକ କ୍ୱାରେଣ୍ଟାଇନ୍ ବେଡ୍

ପ୍ରବାସୀଙ୍କୁ କ୍ୱାରେଣ୍ଟାଇନରେ ରଖିବାକୁ ଯଥେଷ୍ଟ ସଂଖ୍ୟାରେ କ୍ୱାରେଣ୍ଟାଇନ୍ ବେଡ୍ ସୃଷ୍ଟି କରାଯାଇଥିବା ସେ ସୂଚନା ଦେଇଥିଲେ । ସେ କହଥିଲେ ଯେ, ପ୍ରାୟ ସାଢ଼େ ୬ ଲକ୍ଷ କ୍ୱାରେଣ୍ଟାଇନ୍ ବେଡ୍ କରାଯାଇଛି ରାଜ୍ୟରେ । ୧୫ ହଜାର ଉପରେ ଅସ୍ଥାୟୀ ମେଡିକାଲ୍ କ୍ୟାମ୍ପ ଗ୍ରାମାଞ୍ଚଳରେ କରାଯାଇଛି । ଏତେ ସଂଖ୍ୟାରେ ଲୋକଙ୍କୁ କ୍ୱାରେଣ୍ଟାଇନ୍ ରଖି ଟେଷ୍ଟିଂ କରିବାରେ ଓଡ଼ିଶା ଅଗ୍ରଣୀ ରାଜ୍ୟ । ଆଗକୁ ହେବାକୁ ଥିବା ଲକଡାଉନରେ ଅର୍ଥନୀତିକୁ ପ୍ରାଧାନ୍ୟ ଦେବାକୁ ମୁଖ୍ୟମନ୍ତ୍ରୀ, ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଥିଲେ । ଜାତୀୟ ଏସଓପିରେ ରାଜ୍ୟକୁ କ୍ଷମତା ଦେବାକୁ କହିଥିଲେ । ରାଜ୍ୟରେ କୌଣସି ଶିଳ୍ପ ବନ୍ଦ ହୋଇନଥିବା ବେଳେ ଚାଷ ଓ ପଶୁପାଳନ କାର୍ଯ୍ୟ ଅବ୍ୟାହତ ହୋଇଛି ।

ଦେଶଠୁ ରାଜ୍ୟରେ ମୃତ୍ୟୁହାର କମ୍, ପରୀକ୍ଷା ହାର ଅଧିକ