କଠିନ ବର୍ଯ୍ୟବସ୍ତୁ ପରିଚାଳନା ପାଇଁ UNDP ସହ ରାଜ୍ୟ ସରକାରଙ୍କ ଚୁକ୍ତି

ଭୁବନେଶ୍ୱର: କଠିନ ବର୍ଯ୍ୟବସ୍ତୁ ପରିଚାଳନା ପାଇଁ ୟୁଏନ୍ଡିପି ସହ ଚୁକ୍ତି କରିଛି ଗୃହ ଓ ନଗର ଉନ୍ନୟନ ବିଭାଗ । ଆସନ୍ତା ଚାରି ବର୍ଷ ପାଇଁ ୟୁଏନ୍ଡିପି ଏକ୍ଷେତ୍ରରେ ରାଜ୍ୟ ସରକାରଙ୍କୁ ବୈଷୟିକ ସହାୟତା ଯୋଗାଇଦେବ । କଠିନ ଓ ପ୍ଲାଷ୍ଟିକ ବର୍ଯ୍ୟବସ୍ତୁ ପରିଚାଳନା ପାଇଁ ଏଣିକି ଘରୋଇ ପୁଞ୍ଜିନିବେଶକୁ ପ୍ରୋତ୍ସାହିତ କରାଯିବ । ଏଥିପାଇଁ ଦକ୍ଷତା ବୃଦ୍ଧି ସହ କମ୍ୟୁଟିନି ପାର୍ଟିସିପେସନ ମଧ୍ୟ ବୃଦ୍ଧି କରାଯିବ ।

ଏହି କାର୍ଯ୍ୟକ୍ରମରେ ନିଯୋଜିତ ବ୍ୟକ୍ତିଙ୍କୁ ସାମାଜିକ ସୁରକ୍ଷା ଯୋଗାଇଦିଆଯିବ । ବର୍ଯ୍ୟବସ୍ତୁ ସଂଗ୍ରହକାରୀ ଓ ମିଶନ ଶକ୍ତିର ସ୍ବୟଂ ସହାୟିକା ଗୋଷ୍ଠୀ ପାଇଁ ଅତିରିକ୍ତ ରୋଜଗାର ସୁଯୋଗ ସୃଷ୍ଟି କରାଯିବ । ସହରାଞ୍ଚଳରେ କଠିନ ବର୍ଯ୍ୟବସ୍ତୁ ପରିଚାଳନାରେ ରାଜ୍ୟ ସରକାର ଅନେକ ସଫଳତା ପାଇଛନ୍ତି । କିନ୍ତୁ ଆଜିର ଏହି ଚୁକ୍ତି ଉଭୟ ସହରାଞ୍ଚଳ ଓ ଗ୍ରାମାଞ୍ଚଳରେ ବର୍ଯ୍ୟ ପରିଚାଳନାରେ ରାଜ୍ୟ ସରକାରଙ୍କ ପ୍ରତିବଦ୍ଧତାକୁ ଅଧିକ ସୁନିଶ୍ଚିତ କରିବ ।