ପୁଣି ନିୟମ ଭାଙ୍ଗିଲେ ଅପରାଜିତା: କେନ୍ଦ୍ରର ଦୃଷ୍ଟି ଆକର୍ଷଣ ଲାଗି ଚିଠି ଲେଖିଲେ ମନ୍ତ୍ରୀ ଦିବ୍ୟ ଶଙ୍କର ମିଶ୍ର

ଭୁବନେଶ୍ୱର: ପୁଣି କୋଭିଡ ନିୟମର ଉଲ୍ଲଘଂନ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ଜନ୍ମଦିନ ପାଳନ ବେଳେ ସାମାଜିକ ଦୂରତ୍ୱର ଉଲ୍ଲଂଘନ କରିଛନ୍ତି ସାଂସଦ । ଏ ନେଇ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି ରାଜ୍ୟ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର  । କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ନିତ୍ୟାନନ୍ଦ ରାୟଙ୍କୁ ଚିଠି ଲେଖି ଏ ନେଇ ଅବଗତ କରାଇଛନ୍ତି ମନ୍ତ୍ରୀ ଦିବ୍ୟଶଙ୍କର । ସେ ଲେଖିଛନ୍ତି ଅପରାଜିତା ଏଭଳି ବାରମ୍ବାର କୋଭିଡ ନିୟମ ଉଲ୍ଲଂଘନ କରୁଛନ୍ତି ।  ସାଂସଦଙ୍କ ଏଭଳି ଆଚରଣ କୋଭିଡ ଯୋଦ୍ଧାଙ୍କୁ ହତୋତ୍ସାହିତ କରିବା ସହ ଯେଉଁ ମାନଙ୍କ ଦେହାନ୍ତ ହୋଇଛି ସେମାନଙ୍କ ପ୍ରତି ଅସମ୍ମାନ । ପ୍ରଧାନମନ୍ତ୍ରୀ ବାରମ୍ବାର ସାମାଜିକ ଦୂରତା କଥା କହୁଛନ୍ତି । କିନ୍ତୁ ଅପରାଜିତା ଷଡ଼ଙ୍ଗୀ ବାରମ୍ବାର ନିୟମ ଭାଙ୍ଗୁଛନ୍ତି । ତାଙ୍କ ଜନ୍ମଦିନରେ ଶତାଧିକ ମହିଳା ଯୋଗଦେଇଥିଲେ । ଯେଉଁଥିରେ ଜଣଙ୍କ ବ୍ୟତୀତ ଅନ୍ୟ କେହିଁ ବି ମୁହଁରେ ମାସ୍କ ପିନ୍ଧିନଥିଲେ । ସାମାଜିକ ଦୂରତ୍ୱ ଜମାରୁ ନଥିଲା । ଏବଂ ସମସ୍ତେ ମିଶି ନାଚଗୀତ କରୁଥିଲେ ।

ଅପରାଜିତା ଷଡ଼ଙ୍ଗୀ ଭୁବନେଶ୍ୱରର ଲୋକସଭା ସାଂସଦ  । ଏଠାରେ ୧୦୯ ଜଣ କରୋନାରେ ପ୍ରାଣ ହରାଇଲେଣି ଏବଂ ୫ ଜଣ କୋଭିଡ ଯୋଦ୍ଧାଙ୍କ ମଧ୍ୟ ଜୀବନ ଯାଇଛି । ଏଭଳିସ୍ଥିତିରେ ସାଂସଦ ନିୟମ ଭାଙ୍ଗି ସହଯୋଗୀଙ୍କ ସହ ନାଚିଛନ୍ତି । କୋଭିଡ ଯୋଦ୍ଧା ଓ ସାଧାରଣଲୋକଙ୍କ ପାଇଁ ଏହା ତାତ୍ସଲ୍ୟ । ପ୍ରଧାନମନ୍ତ୍ରୀଙ୍କ ବାର୍ତ୍ତାର ବିପରୀତ ବାର୍ତ୍ତା ଦେଉଛନ୍ତି ଅପରାଜିତା । ଅପରପକ୍ଷରେରାଜଧାନୀ ଛାତି ଉପରେ ନକଟରେ ଭୟଙ୍କର ପେଟ୍ରୋଲ ପମ୍ପ ବିସ୍ଫୋରଣ ବଡ଼ କ୍ଷତ ଛାଡ଼ି ଯାଇଥିବା ବେଳେ ସାଂସଦଙ୍କର ଏଭଳି ଜନ୍ମଦିନ ସେଲିବ୍ରେସନ୍ ପ୍ରଶ୍ନ ସୃଷ୍ଟି କରିଛି । ଅପରାଜିତା ଷଡ଼ଙ୍ଗୀଙ୍କ ଜନ୍ମଦିନରେ ନାଚଗୀତର ଭିଡିଓ ସୋସିଆଲ୍ ମିଡିଆରେ ଭାଇରାଲ ହେଉଛି ।

ଅମାନିଆ ଅପରାଜିତା: କୋଭିଡ଼ ନିୟମ ଉଲ୍ଲଂଘନ କରି ନାଚୁଥିବାର ଭିଡ଼ିଓ ହେଲା ଭାଇରାଲ