କ୍ରିତ୍ୟାଙ୍କ ଔପନ୍ୟାସିକ ବହି ଉନ୍ମୋଚନ କଲେ ରାଜ୍ୟପାଳ
ମାତ୍ର ୧୨ ବର୍ଷ ବୟସରେ ବହି ଲେଖିଲେ କ୍ରିତ୍ୟା । ୩ଟି ଗଳ୍ପ ସମ୍ବଳିତ ଏକ ଇଂରାଜୀ ଔପନ୍ୟାସିକ ବହି ଲେଖି ସେ ଆଜି ଚର୍ଚ୍ଚାରେ । ଆଉ ତାଙ୍କର ଏହି ପୁସ୍ତକକୁ ଖୋଦ୍ ରାଜ୍ୟପାଳ ଗଣେଷୀ ଲାଲ ଉନ୍ମୋଚନ କରିଛନ୍ତି । କ୍ରିତ୍ୟାଙ୍କ ଏଭଳି ପ୍ରୟାସକୁ ରାଜ୍ୟପାଳ ଭୂୟସୀ ପ୍ରଶଂସା କରିଛନ୍ତି । କ୍ରିତ୍ୟାଙ୍କ ଏହି ବହି ୨୦୦ ପୃଷ୍ଠା ସମ୍ବଳିତ । ତାଙ୍କ ପୁସ୍ତକର ନାଁ ରଖିଛନ୍ତି ‘ଏ ଜର୍ଣ୍ଣି’ । ଏତେ କମ୍ ବଯସରୁ ଏତେ ସୁନ୍ଦର ଭାବରେ ଏକ ଉପନ୍ୟାସ ରଚନା କରିବା ପାଇଁ କ୍ରିତ୍ୟାଙ୍କୁ ମାନ୍ୟବର ରାଜ୍ୟପାଳ ଅତ୍ୟନ୍ତ ପ୍ରଶଂସା କରିଚନ୍ତି । କୋଭିଡ ମହାମାରୀରେ ବିଦ୍ୟାଳୟ ଛୁଟି ଥିବା ସମୟଗୁଡିକୁ ସଦୁପୋଯୋଗ କରି ତିନୋଟି ଗଳ୍ପ ସମ୍ବଳିତ ଏହି ଉପନ୍ୟାସକୁ ରଚନା କରିଛନ୍ତି ।
କ୍ରିତ୍ୟାଙ୍କର ଏହି ଭଳି ଅନେକ ସୃଜନଶୀଳ ଲେଖାଗୁଡିକ ଜାତୀୟ ସ୍ତରରେ ପ୍ରସଂଶିତ ହୋଇଛି। ‘ବୁକ ବଜ୍’ ଓ ‘ବମ୍ବେ ଡକ୍’ ଭଳି ଜାତୀୟ ସ୍ତରର ଅନୁଷ୍ଠାନ ଗୁଡିକ ଏହି ପ୍ରତିଭାଶାଳି ଲେଖିକାଙ୍କର ଲେଖାଗୁଡିକୁ ସେମାନଙ୍କର ପୁସ୍ତକରେ ସ୍ଥାନ ଦେଇଛନ୍ତି । ଏପରିକି ଆନ୍ତର୍ଜାତୀୟ ସ୍ତରରେ ଖ୍ଯାତି ଲାଭ କରିଥିବା ପ୍ରସିଦ୍ଧ ଲେଖିକା ତଥା ଶିକ୍ଷାବିତ ଅନୁପମା ଡାଲମିୟା ଓ ଶିବାନୀ ସଲିଲ ଏହି ଲେଖିକାଙ୍କର ଲେଖା ଗୁଡିକୁ ଉଚ୍ଚ ପ୍ରସଂଶା କରିଛନ୍ତି । କ୍ରିତ୍ୟା ମିଶ୍ର ସ୍ଥାନୀୟ ସେଣ୍ଟ ଜୋସେଫ୍ ବିଦ୍ୟାଳୟରେ ସପ୍ତମ ଶ୍ରେଣୀରେ ପଢନ୍ତି ।
