5T ଇଫେକ୍ଟ: ଜେଲ୍ରେ ବସିବ ଅଦାଲତ, ତ୍ୱରାନ୍ୱିତ ହେବ ନ୍ୟାୟିକ ପ୍ରକ୍ରିୟା
1 min read
ଭୁବନେଶ୍ୱର: 5T ଇଫେକ୍ଟ, ଜେଲ ସଂସ୍କାରକୁ ଗୁରୁତ୍ୱ । ଜେଲରେ ତ୍ୱରାନ୍ୱିତ ହେବ ନ୍ୟାୟିକ ପ୍ରକ୍ରିୟା । ଏପ୍ରିଲରୁ କାରାଗାରରେ ବସିବ ଅଦାଲତ । ବନ୍ଦୀ ଜୀବନରୁ ମୁକ୍ତି ଦେବାକୁ ସରକାରଙ୍କ ପ୍ରୟାସ । ରାଜ୍ୟ ସରକାରଙ୍କ 5-T ବ୍ୟବସ୍ଥାରେ ଜେଲ ବିଭାଗ ଅନ୍ତର୍ଭୁକ୍ତ ହେବା ପରେ ତ୍ୱରିତ ନ୍ୟାୟ ବ୍ୟବସ୍ଥା ପାଇଁ ଲିଗାଲ୍-ଏଡ୍ ସର୍ଭିସ ସହାୟତାରେ ଜେଲ୍ ଗୁଡ଼ିକରେ ନିର୍ଦ୍ଦିଷ୍ଟ ସମୟ ବ୍ୟବଧାନରେ ଜେଲ୍ ଅଦାଲତ ବସିବ । ଛୋଟ ଅପରାଧରେ ଜଡ଼ିତ ବିଚାରାଧୀନ ବନ୍ଦୀଙ୍କ ପାଇଁ ଏହା ସହାୟକ ହେବ । ଜାମିନ୍ ଯୋଗ୍ୟ ଅପରାଧରେ ରହିଥିବା ବନ୍ଦୀଙ୍କୁ ଚିହ୍ନଟ କରି ତୁରନ୍ତ ଜାମିନ୍ ଦେବା ପାଇଁ ସୁପ୍ରିମକୋର୍ଟ ଆଦେଶ ଦେଇଥିଲେ । ପୂର୍ବରୁ ତାମିଲନାଡୁ ଓ ଝାଡ଼ଖଣ୍ଡରେ ଏଭଳି ବ୍ୟବସ୍ଥା ଥିବା ବେଳେ ଓଡ଼ିଶାରେ ପ୍ରଥମ ଥର ପାଇଁ ଏହା ହେବାକୁ ଯାଉଛି ।
ରାଜ୍ୟର ବିଭିନ୍ନ ଜେଲ୍ରେ ପ୍ରାୟ ୨ ହଜାରରୁ ଉର୍ଦ୍ଧ୍ୱ କଏଦୀ ଅଛନ୍ତି, ଯେଉଁମାନେ ଜାମିନ ପାଇବାକୁ ହକଦାର । କିନ୍ତୁ ଆବଶ୍ୟକୀୟ କାଗଜପତ୍ର ଦାଖଲ ନକରିବାରୁ ବିଚାର ପ୍ରକ୍ରିୟା ବାଧା ପାଉଛି । ନିୟମିତ କଏଦୀ ମାନଙ୍କର ସ୍ଥିତାବସ୍ଥାକୁ ନେଇ ତର୍ଜମା କରାଯିବା ପରେ ଜାମିନ ପାଇଁ ତାଲିକା ପ୍ରସ୍ତୁତ ହେବ । ପୂର୍ବରୁ ଇ-ପ୍ରିଜନ୍ ବ୍ୟବସ୍ଥାରେ ପ୍ରତ୍ୟେକ ଜେଲ୍କୁ ଲାପ୍ଟପ୍ ପ୍ରଦାନ କରାଯିବା ସହ ଭିଡିଓ କନ୍ଫରେନ୍ସିଂ ଜରିଆରେ ଇ-ମୁଲାକାତ୍ ବ୍ୟବସ୍ଥା କରାଯାଉଛି । ୨୦୨୦-୨୧ ବର୍ଷ ପାଇଁ ମଧ୍ୟ ବିଭିନ୍ନ ଜେଲ୍ରେ ୮୭୦ ନୂଆ ଓ୍ୱାର୍ଡ ମଞ୍ଜୁର ହୋଇଛି ।
